2017-05-11 18:43:40, 2014 ნახვა

---

ნატო-საქართველოს არსებითი პაკეტის სამხედრო ექსპერტები საჩხერის სამთო მომზადების სკოლაში იმყოფებოდნენ

პოლკოვნიკ ბესიკ ქუთათელაძის სახელობის საჩხერის სამთო მომზადების სკოლაში ნატო–საქართველოს არსებითი პაკეტის (SNGP) სამხედრო ექსპერტები იმყოფებოდნენ.

ექსპერტებს სკოლის მეთაურმა, ვიცე-პოლკოვნიკმა ივანე ცხადაძემ უმასპინძლა. 

გაცნობითი ხასიათის შეხვედრაზე საჩხერის სამთო-მომზადების სკოლის მეთაურმა სტუმრებს სკოლის ისტორიისა და ამოცანის შესახებ პრეზენტაცია წარუდგინა და სასწავლო პროცესი გააცნო. SNGP-ის ექსპერტებმა ინფორმაცია სკოლის სამომავლო გეგმების შესახებაც მოისმინეს.

პრეზენტაციის დასრულების შემდეგ, სტუმრებმა სკოლის ინფრასტრუქტურა, აღჭურვილობა და საწვრთნელი ტერიტორია დაათვალიერეს.

(NS)

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი