|
2017-05-11 18:10:06, 2340 ნახვა
ეკონომიკა
რეკონსტრუქციისა და განვითარების ბანკის მმართველთა საბჭოში დიმიტრი ქუმსიშვილი სიტყვით გამოვიდა
ევროპის რეკონსტრუქციისა და განვითარების ბანკის ყოველწლიური შეხვედრისა და ბიზნესფორუმის ფარგლებში საქართველოს საინვესტიციო შესაძლებლობების თაობაზე გაიმართა სპეციალური სესია, რომელზეც ევროპის რეკონსტრუქციისა და განვითარების ბანკის მმართველთა საბჭოში საქართველოს მხრიდან მმართველი, პირველი ვიცე-პრემიერი და ფინანსთა მინისტრი დიმიტრი ქუმსიშვილი სიტყვით გამოვიდა. პირველმა ვიცე-პრემიერმა ქვეყანაში არსებულ ეკონომიკურ ტენდენციებზე, მიმდინარე წელს ეკონომიკური ზრდის კუთხით არსებულ მკვეთრად პოზიტიურ დინამიკაზე და ქვეყანაში შემოსული პირდაპირი უცხოური ინვესტიციებსა და ზოგადად საინვესტიციო პოტენციალზე ისაუბრა. დიმიტრი ქუმსიშვილმა განსაკუთრებული ყურადღება მთავრობის 4-პუნქტიან გეგმასა და ამ გეგმის ფარგლებში უკვე განხორციელებულ და სამომავლოდ დაგეგმილ რეფორმებზე გაამახვილა. ფინანსთა მინისტრმა ხაზი გაუსვა ფისკალური რეფორმების მიმართულებით განხორციელებულ ღონისძიებებს და მათ გავლენას ქვეყნის ეკონომიკურ განვითარებაზე. საუბარი შეეხო, ასევე, ქვეყნის სივრცითი მოწყობს კუთხით დაგეგმილ მსხვილ ინფრასტრუქტურულ პროექტებს და მათ მნიშვნელობას, როგორც ქვეყნის სატრანზიტო, ლოგისტიკური და ტურისტული პოტენციალის სრული გამოყენების, ისე რეგიონების ურთიერთდაკავშირების და შესაბამისად, მათი ეკონომიკური განვითარების პროცესში ჩართულობის გაძლიერების მიმართულებით. „EBRD-ის წლიურ შეხვედრაზე დღეს საქართველოს საინვესტიციო შესაძლებლობების თაობაზე ვისაუბრეთ. ეს იყო იმ შესაძლებლობების წარმოჩენა, რომელიც ჩვენს ქვეყანაშია საინვესტიციო მიმართულებით, ასევე, განვიხილეთ როგორ ვითარდება ქვეყანა, რა პრიორიტეტები გვაქვს, როგორც ეკონომიკური განვითარების, ისე სტრუქტურული რეფორმების კუთხით. ეს ძალიან მნიშვნელოვანია იმისათვის, რომ ქვეყანაში მოვიზიდოთ როგორც ინსტიტუციონალური ინვესტორები, ასევე, ინვესტორები, რომლებიც კონკრეტული ბიზნესებით არიან დაინტერესებულები", - აღნიშნა დიმიტრი ქუმსიშვილმა. სესიაში EBRD-ის დირექტორმა სამხრეთ კავკასიაში, მოლდოვასა და ბელორუსში, ბრუნო ბალვანერამ დედაქალაქის ვიცე-მერმა ლაშა აბაშიძემ, „აჭარა გრუპის" გენერალურმა დირექტორმა და ვალერი ჩეხერიამ მიიღეს მონაწილეობა. პრეზენტაციას ყოველწლიური შეხვედრისა და ბიზნესფორუმის ფარგლებში მონაწილე დელეგაციათა წარმომადგენლები, აგრეთვე იმ მსხვილი ქართული კომპანიების ხელმძღვანელები დაესწრნენ , რომლებიც სარგებლობენ ევროპის რეკონსტრუქციისა და განვითარების ბანკის ფინანსური მხარდაჭერით. (NS)
რუტე ყირიმის ხიდზე თავდასხმაზე: უკრაინას შეუძლია დაიცვას თავი და თავს დაესხას რუსულ ლოგისტიკას
პუტინი სამიტზე ტრამპთან და სი ძინპინთან ბირთვული ბომბდამშენების თანხლებით ჩაფრინდა
IPI: ვგმობთ გურამ როგავას სასამართლო პროცესიდან ჩამოშორებას
თბილისის საქალაქო სასამართლომ ჟურნალისტ ელისო კილაძეს 10-წლიანი პატიმრობა მიუსაჯა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



