|
2017-05-10 15:25:32, 2116 ნახვა
ეკონომიკა
დიმიტრი ქუმსიშვილმა EBRD-ს ლარით დენომინირებული პირველი ევრობონდების გამოშვება პოზიტიურად შეაფასა
EBRD-ის ლარით დენომინირებული ევრობონდები, აღნიშნულ ბანკს შესაძლებლობას აძლევს ჩვენი კომერციული ბანკების მეშვეობით ლარში დააფინანსოს საქართველოს ეკონომიკა, რაც მნიშვნელოვანია საკითხია, - ამის შესახებ პირველმა ვიცე-პრემიერმა, ფინანსთა მინისტრმა, დიმიტრი ქუმსიშვილმა ევროპის რეკონსტრუქციისა და განვითარების ბანკის პირველ ვიცე-პრეზიდენტთან, ფილიპ ბენეტთან შეხვედრის შემდეგ განაცხადა. როგორც ქუმსიშვილმა აღნიშნა, ბანკის პირველ ვიცე-პრეზიდენტთან, ასევე, რისკების მართვის საკითხში ვიცე-პრეზიდენტთან გამართულ შეხვედრაზე, დეტალურად განიხილეს ის პროექტები, რომელიც საქართველოში ევროპის რეკონსტრუქციისა და განვითარების ბანკის მხარდაჭერით ხორციელდება. „ვისაუბრეთ რეფორმებზე, რომელსაც საქართველოს მთავრობა ახორციელებს. მინდა კმაყოფილებით აღვნიშნო, რომ დღეს, ჩვენი 4-პუნქტიანი განვითარების გეგმა და 4-წლიანი სტრატეგია, რომელიც შემუშავებული აქვს ბანკს საქართველოსთან მიმართებაში, აბსოლუტურ თანხვედრაშია ერთმანეთთან. ეს ნიშნავს იმას, რომ ჩვენი ძალისხმევა მიმართული იქნება ერთი მიმართულებით. მინდა აღვნიშნო, რომ დღეის მდგომარეობით, ევროპის რეკონსტრუქციისა და განვითარების ბანკის ინვესტიციები 200-ზე მეტ პროექტში, 3 მილიარდზე მეტია. მნიშვნელოვანია, რომ ინვესტიციები, ძირითადად, კერძო სექტორის მხარდაჭერისკენაა მიმართული. მხოლოდ გასულ წელს, ბანკმა 17 პროექტში, 250 მლნ-ის ოდენობის ინვესტიცია განახორციელა. შესაბამისად, EBRD-ი ძალიან აქტიური იქნება შემდეგი 4 წლის განმავლობაში როგორც კერძო სექტორის განვითარების, ისე იმ რეფორმების მხარდაჭერის მიმართულებით, რასაც ჩვენ ვახორციელებთ“, - აღნიშნა პირველმა ვიცე-პრემიერმა. მისი თქმით, ძალიან მნიშვნელოვანია ევროპის რეკონსტრუქციისა და განვითარების ბანკის როლი ქართული კაპიტალის ბაზრის განვითარების კუთხით. „თქვენ იცით, რომ 2014 წელს, ბანკი იყო პირველი საერთაშორისო ფინანსური ინსტიტუტი, რომელმაც ლარით დენომინირებული ფასიანი ქაღალდები ადგილობრივ ბაზარზე გამოუშვა, ახლახან კი პირველად, გამოვიდა EBRD-ის ლარით დენომინირებული ევრობონდები, რაც განსაკუთრებით მნიშვნელოვანია ჩვენი ეკონომიკისთვის", - განაცხადა დიმიტრი ქუმსიშვილმა. აღსანიშნავია, რომ EBRD-ის ყოველწლიური შეხვედრისა და ბიზნესფორუმის ფარგლებში, რომელიც წელს კვიპროსის ქალაქ ნიქოზიაში მიმდინარეობს, 11 მაისს, საქართველოს საინვესტიციო შესაძლებლობების თაობაზე გაიმართება სპეციალური სესია, რომელზეც დაგეგმილია პირველი ვიცე-პრემიერის, ფინანსთა მინისტრ დიმიტრი ქუმსიშვილის გამოსვლა.
(NS)
რუტე ყირიმის ხიდზე თავდასხმაზე: უკრაინას შეუძლია დაიცვას თავი და თავს დაესხას რუსულ ლოგისტიკას
პუტინი სამიტზე ტრამპთან და სი ძინპინთან ბირთვული ბომბდამშენების თანხლებით ჩაფრინდა
IPI: ვგმობთ გურამ როგავას სასამართლო პროცესიდან ჩამოშორებას
თბილისის საქალაქო სასამართლომ ჟურნალისტ ელისო კილაძეს 10-წლიანი პატიმრობა მიუსაჯა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



