„ისლამურმა სახელმწიფომ“ ვიდეომასალა გამოაქვეყნა, სადაც, დაჯგუფების ინფორმაციით, სირიაში ტყვედ აყვანილ რუს პოლკოვნიკს სიკვდილით სჯიან.

როგორც 12-წუთიან, რუსულ ენაზე ჩაწერილ ვიდეომასალაშია ნათქვამი, რუსი პოლკოვნიკი  2016 წლიდან სირიაში და ერაყში მსახურობდა. გარდა ამისა, ტერორისტები მის იდენტიფიკაციას ახდენენ და სამხედროს, როგორც პოლკოვნიკ ევგენი პეტრენკოს მოიხსენიებენ.

დაღუპვამდე, რუსი პოლკოვნიკი სირიაში მყოფ რუს სამხედროებს მოუწოდებს, რომ ISIS-ის ჩაბარდნენ.

"ამ იდიოტს თავისი სახელმწიფოს დანაპირების სჯეროდა, რომ თუ ტყვედ აიყვანდნენ, მას არავინ მიატოვებდა", - ამბობენ დაჯგუფების წევრები ვიდეოში.

ამის შემდეგ, დაჯგუფების ერთ-ერთმა წევრმა რუს პოლკოვნიკს ხელი გამოჭრა.

ცნობისთვის, ტერორისტულ დაჯგუფებასთან დაახლოებულ ერთ-ერთ საიტზე ცოტა ხნის წინ გავრცელდა აღნიშნული პოლკოვნიკის ვიდეო მიმართვა, სადაც რუსი სამხედრო ქვეყნის პრეზიდენტ ვლადიმერ პუტინს და ხელისუფლებას მიმართავს.

"მინდა მივმართო ქვეყნის პრეზიდენტ ვლადიმერ პუტინს, რომელმაც კონსტიტუციაზე ფიცი დადო, რომ ყოველთვის დაიცავდა, თავისი ქვეყნის მოქალაქეებს, სადაც არ უნდა ყოფილიყვნენ. მიმვმართავ ასევე რუსეთის მოსახლეობას, ყველამ იცით რას წამოადგენს "ისლამური სახელმწიფო". ისიც იცით, რა მემუქრება, თუ ჩემი ბედით არ დაინტერესდებით. თქვენ გაქვთ შესაძლებლობა დამეხმაროთ. გთხოვთ, ყველაფერი გააკეთოთ იმისთის, რომ დამეხმაროთ. კეთილსინდისიერად ვასრულებდა ჩემს მომოვალეობას. მე თქვენი დახმარება მჭირდება. გახსოვდეთ, რომ ჩემ ადგილას შეიძლება ნებისმიერი თქვენგანი იყოს", - აცხადება რუსი სამხედრო ვიდეო-მიმართვაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინელების მოკლული გენერალ-მაიორი ანტონ გრუნისი, საქართველოს წინააღმდეგ 2008 წელს ომობდა

იემენელი ჰუსიტები მუსლიმებისთვის წმინდა ქალაქს მექას დაესხნენ თავს

SOLO-ს განსაკუთრებული შეთავაზება ისთ ფოინთის დაბადების დღეს SOLO VISA ბარათის მფლობელებს

ახალი შეთავაზება TBC-ის პლატფორმაზე - დაიბრუნე ვაჭრობის საკომისიო და დასაჩუქრდი $500-მდე