აზიის განვითარების ბანკის ყოველწლიური შეხვედრის ფარგლებში გამართული მოლაპარაკებები რამდენიმე ასეული მილიონი აშშ დოლარის მიღების თაობაზე, წარმატებით დასრულდა.

აღნიშნული თანხები მიიმართება იმ ძირითადი ინფრასტრუქტურის მშენებლობისთვის, რომელიც ჩვენ გაცხადებული გვქონდა წინასაარჩევნო პერიოდში - განაცხადა საქართველოს პირველმა ვიცე- პრემიერმა, ფინანსთა მინისტრმა, დიმიტრი ქუმსიშვილმა აზიის განვითარების ბანკის მმართველთა საბჭოს ყოველწლიური შეხვედრის ფარგლებში გამართული ორმხრივი შეხვედრების შედეგების შეფასებისას.
 
მისი თქმით, გაიმართა მნიშვნელოვანი მოლაპარაკებები, როგორც აზიის განვითარების ბანკის პრეზიდენტთან, ისე აღნიშნული საერთაშორისო საფინანსო ორგანიზაციის სხვა ხელმძღვანელ პირებთან, აგრეთვე, საინვესტიციო კომპანიების წარმომადგენლებთან.
 
როგორც ფინანსთა მინისტრმა აღნიშნა, შეხვედრებზე განსაკუთრებული ყურადღება გამახვილდა საქართველოს მთავრობის 4-პუნქტიან გეგმასა და იმ რეფორმებზე, რომლებიც ამ გეგმის ფარგლებში ხორციელდება. აქცენტი გაკეთდა აზიის განვითარების ბანკის მხარდაჭერაზე, რომელიც აღნიშნული რეფორმების განხორციელებისაკენაა მიმართული.
 
„აღნიშნული ფინანსური რესურსებით ქვეყნისთვის სტრატეგიული ინფრასტრუქტურული პროექტების მშენებლობა, შექმნის იმ სამუშაო ადგილებს, რომელიც ჩვენი ქვეყნისთვის ძალიან მნიშვნელოვანი და საჭიროა.  აქვე, უნდა ითქვას, რომ ძირითადი ინფრასტრუქტურის, ქვეყნის რეგიონების ერთმანეთთან დამაკავშირებელი გზების მშენებლობა, გაზრდის საქართველოს ტურისტულ პოტენციალსა და  ქვეყნის ტრანზიტულ მნიშვნელობას", - აღნიშნა პირველმა ვიცე-პრემიერმა.  
 
5-6 მაისს, დიმიტრი ქუმსიშვილმა, იაპონიის ქალაქ იოკოჰამაში, მონაწილეობა მიიღო აზიის განვითარების ბანკის მმართველთა საბჭოს 50-ე წლიურ შეხვედრაში. პირველი ვიცე-პრემიერი სიტყვით გამოვიდა ბიზნეს სესიაზე, რომელსაც ესწრებოდნენ ADB-ს მმართველთა საბჭოს წევრები, აგრეთვე, მსხვილი საინვესტიციო კომპანიების წარმომადგენლები.  აღსანიშნავია, რომ ბანკის მმართველთა საბჭოში საქართველოს სწორედ ფინანსთა მინისტრი წარმოადგენს

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა აღიარა, რომ მომავალში საფრანგეთის პრეზიდენტად დაბრუნებას გეგმავს

უკრაინამ დონბასში რუსული არმიის წინააღმდეგ საბრძოლო რობოტები პირველად გამოიყენა

კობახიძე – მაინც ყოველდღიურად იკრიბებიან ხან 20, ხან 50, ხან 150 კაცით, სექტის სახე ნამდვილად შეიძინა ამ დაჯგუფებამ

ივანიშვილის პაპუაშვილი ოპოზიციურად განწყობილ ხალხს სექტას უწოდებს