|
2017-05-01 21:46:10, 2121 ნახვა
ეკონომიკა
2016-ში წინასთან შედარებით, ეროვნული ბანკის მომხმარებელთა უფლებების დაცვის განყოფილებაში 33%-ით მეტი მიმართვა დაფიქსირდა
2016 წელს ეროვნული ბანკის მომხმარებელთა უფლებების დაცვის განყოფილებაში სულ 1,363 მიმართვა დაფიქსირდა, რაც წინა წლის მაჩვენებელთან შედარებით 33 პროცენტით მეტია. ამის შესახებ ეროვნული ბანკის ანგარიშშია ნათქვამი. მათივე ცნობით, მიმართვების უმრავლესობა - 885 (65 პროცენტი) - ტელეფონით დაფიქსირდა. ამასთან, სხვა სახით დაფიქსირებული მიმართვები რაოდენობრივად აღემატება წინა წლის მაჩვენებლებს: წერილობით დაფიქსირებულია 178 (13 პროცენტი), სოციალური ქსელით 57 (4 პროცენტი), ელექტრონული ფოსტით 120 (8.8 პროცენტი), ხოლო პირადი ვიზიტით 123 (9 პროცენტი). „შინაარსობრივად ყველაზე მეტი პრეტენზია მომხმარებლის მხრიდან ფიქსირდება რესტრუქტურიზაციის მოთხოვნასა და წინსწრების დაფარვის პროცედურასთან დაკავშირებით. წინა წელთან შედარებით მომხმარებელთა უფლებების განყოფილებაში დაფიქსირებული მიმართვიანობის ფარდობითი ზრდა ასევე განპირობებულია გალარების პროგრამასთან დაკავშირებული კითხვებით. აღნიშნული პროგრამა ითვალისწინებდა ფიზიკური პირების უძრავი ქონებით უზრუნველყოფილი აშშ დოლარით დენომინირებული საბანკო სესხების ნებაყოფლობით გალარებას ბანკსა და კლიენტს შორის შეთანხმების საფუძველზე, სადაც მთავრობა უზრუნველყოფდა შეღავათიანი კურსით სესხების გალარების ხარჯების სუბსიდირებას. 2016 წელს გაგრძელდა მომხმარებელთა პრეტენზიების შესაბამის ფინანსურ ინსტიტუტებთან და საქართველოს ეროვნული ბანკის სხვა სტრუქტურულ ერთეულებთან დეტალურად განხილვისა და მომხმარებლებთან შემდგომი კომუნიკაციის პრაქტიკა, მათთვის კვალიფიციური კონსულტაციის გაწევის მიზნით“,-აღნიშნულია ანგარიშში, რომელიც უკვე პარლამენტშია.
რუტე ყირიმის ხიდზე თავდასხმაზე: უკრაინას შეუძლია დაიცვას თავი და თავს დაესხას რუსულ ლოგისტიკას
პუტინი სამიტზე ტრამპთან და სი ძინპინთან ბირთვული ბომბდამშენების თანხლებით ჩაფრინდა
IPI: ვგმობთ გურამ როგავას სასამართლო პროცესიდან ჩამოშორებას
თბილისის საქალაქო სასამართლომ ჟურნალისტ ელისო კილაძეს 10-წლიანი პატიმრობა მიუსაჯა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



