|
2017-05-01 21:41:51, 2150 ნახვა
ეკონომიკა
ეროვნული ბანკი: 2016 წელს კომერციულ ბანკებში 2 857 პრეტენზია დაფიქსირდა
2016 წლის განმავლობაში კომერციულ ბანკებში 2 857 პრეტენზია დაფიქსირდა, რაც წინა წლის მონაცემთან შედარებით, 5.9 პროცენტით მეტია.ამის შესახებ ეროვნული ბანკის 2016 წლის ანგარიშშია ნათქვამი, რომელიც უკვე პარლამენტშია. მათივე ცნობით, შემოსული და მიმდინარე მომენტისთვის სრულად განხილული პრეტენზიებიდან ბანკების მიერ მხოლოდ 19.6 პროცენტი ჩაითვალა საფუძვლიანად და მათი გადაწყვეტა მომხმარებლის სასარგებლოდ მოხდა. „აღნიშნული მაჩვენებელი, თავის მხრივ, 26.7 პროცენტით ნაკლებია წინა წლის მაჩვენებელთან შედარებით. 2012-2016 წლების შემოსული პრეტენზიების დინამიკა მზარდი ტენდენციით ხასიათდებოდა. თუმცა, კლებადია საფუძვლიანი პრეტენზიების რაოდენობა. აღნიშნული, საქართველოს ეროვნული ბანკის დაკვირვებით, შესაძლებელია გამოწვეული იყოს ბანკებში პრეტენზიების დაფიქსირებასთან დაკავშირებული ბარიერებითაც (მაგალითად, კომერციული ბანკის მიერ პრეტენზიის დაფიქსირებაზე უარის თქმა). პრეტენზიების შინაარსის მიხედვით, ეროვნული ბანკის ინფორმაციით, ჯამში შემოსული პრეტენზიების დაახლოებით ნახევარი ტრანზაქციებს, ჯარიმებსა და საკომისიოებს უკავშირდება. „საყურადღებოა მომსახურების ხარისხთან დაკავშირებული პრეტენზიების წილიც, რომელიც საშუალოდ 14 პროცენტს შეადგენს. მოცემული სტატისტიკა გვაძლევს საფუძველს დავასკვნათ, რომ მომხმარებლების პრეტენზიები ხშირად განპირობებულია პროდუქტების და მათთან დაკავშირებული გადასახდელების აღქმის სირთულეებით, თუმცა, დროთა განმავლობაში, როგორც მომხმარებლები, ისე კომერციული ბანკის თანამშრომლებიც, პროდუქტებთან ადაპტირებას ახდენენ. მნიშვნელოვანია, რომ ეროვნულმა ბანკმა გააგრძელოს დაკვირვება, თუ რამდენად ზრუნავენ კომერციული ბანკები მომხმარებლებზე. ამასთან, პრიორიტეტულ ამოცანად რჩება ფინანსური განათლების საჭიროება და მის სარგებლიანობაზე ცნობიერების ამაღლება როგორც მოსახლეობაში, ისე ფინანსური სექტორის წარმომადგენლებში“,-აღნიშნულია ეროვნული ბანკის ანგარიშში.
რუტე ყირიმის ხიდზე თავდასხმაზე: უკრაინას შეუძლია დაიცვას თავი და თავს დაესხას რუსულ ლოგისტიკას
პუტინი სამიტზე ტრამპთან და სი ძინპინთან ბირთვული ბომბდამშენების თანხლებით ჩაფრინდა
IPI: ვგმობთ გურამ როგავას სასამართლო პროცესიდან ჩამოშორებას
თბილისის საქალაქო სასამართლომ ჟურნალისტ ელისო კილაძეს 10-წლიანი პატიმრობა მიუსაჯა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



