„კომისია იყო ყველაზე  ინკლუზიური და ფართო  ჩართულობაზე დაფუძნებული, რაც კი ჩვენს ისტორიას ახსოვს ამ  25 წლის განმავლობაში“,-ამის შესახებ პარლამენტის თავმჯდომარე ირაკლი კობახიძემ მედიასთან  შეხვედრისას განაცხადა.

როგორც კობახიძემ აღნიშნა, საპარლამენტო ფორმატს ალტერნატივა არ ჰქონდა. 

„რაც შეეხება მოქმედ კონსტიტუციას და კანონმდებლობს, კონსტიტუციის და კანონმდებლობის თანახმად ერთადერთი სწორი ფორმატი იყო  საპარლამენტო ფორმატი. გამომდინარე იქიდან, რომ ერთადერთი ორგანო, რომლის წიაღიდანაც შეიძლება მოხდეს კონსტიტუციური კანონპროექტის ინიცირება, არის სწორედ  საქართველოს პარლამენტი. აქედან გამომდინარე საპარლამენტო ფორმატს არ ჰქონდა ალტერნატივა და ჩვენ სწორი ფორმატით შევქმენით  სახელმწიფო საკონსტიტუციო კომისია და ამ ფორმატმა მოგცა ჩვენ შესაბამის შედეგზე გასვლის  საშუალება. რაც შეეხება სახელმწიფო საკონსტიტუციო კომისიას, კომისია იყო უპრეცედენტოდ ფართო ჩართულობაზე  დაფუძნებული. ჩვენ გვყავდა  73 წევრი კომისიაში. მათ შორის იყვნენ პარლამენტის წევრები, საპარლამენტო  პარტიების წარმომადგენლები, ასევე არასაპარალამენტო პარტიების წარმომადგენლები, შემადგენლობაში შედიოდა ყველა კონსტიტუციური ორგანოს  წარმომადგენელი და ასევე კომისიის შემადგენლობაში შედიოდნენ არასამთავრობო ორგანიზაციები  და ექსპერტები. ასეთი ფართო შემადგენლობით ჩამოყალიბდა სახელმწიფო საკონსტიტუციო კომისია. რაც შეეხება ექსპერტების და არასამთავრობოების შერჩევას, ვფიქრობ ობიექტური კრიტერიუმები იყო  გამოყენებული და ამასთან დაკავშირებით  რაიმე განსაკუთრებული კითხვის ნიშნები  რეალურად ა რ დასმულა. პროცესიც იყო ძალიან მკაფიოდ ჩამოყალიბებული  და განსაზღვრული, რაც იყო ერთ-ერთი  მთავარი უპირატესობა ამ ახალი საკონსტიტუციო კომისიის. ძალიან მკაფიოდ იყო განსაზღვრული   თითოეული შეხვედრის მიზანი  და ამოცანა, რაც არ გვახსოვს წინა კომისიების პრაქტიკიდან და ეს ყველაფერი აისახა პირდაპირ კომისიის მუშაობაზე, კერძოდ კომისიის თითოეულმა წევრმა იცოდა თუ რისთვის მოდიოდა კონკრეტულ სხდომაზე და რა იყო სხდომის მიზანი, ამან განაპირობა ძალიან მაღალი დასწრების მაჩვენებელი და ამან განაპირობა ძალიან აქტიური დისკუსია კომისიის ფორმატში. კომისია იყო ყველაზე  ინკლუზიური და ფართო  ჩართულობაზე დაფუძნებული, რაც კი ჩვენს ისტორიას ახსოვს ამ  25 წლის განმავლობაში, რაც იყო ძალიან დიდი მიღწევა“,-განაცხადა კობახიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე