პრესის თავუსუფლების ინდექსის თანახმად, საქართველო ნაწილობრივ თავუსუფალი ქვეყნების კატეგორიაში შედის, ამის შესახებ საეთაშორისო ორგანიზაცია Freedom House-ის 2017 წლის ანგარიშშია ნათქვამი.

ანგარიშის თანახმად, საქართველოს პრესის თავუსუფლების ინდექსი წინა წელთან შედარებით უცვლელია.

აღნიშნულ ინდექსში საქართველომ 100-დან 50 ქულა მიიღო. გარდა ამისა, ანგარიშში ასევე საქართველოს საკანონმდებლო (13/40), პოლიტიკური (21/40) და ეკონომიკური (16/30) გარემო შეფასდა.

როგორც ანგარიშშია აღნიშნული, ქვეყნები, სადაც მედია გარემო სრულად თავისუფალია მხოლოდ 13 პროცენტს შეადგენენ. ესენია - ამერიკა, საფრანგეთი, გერმანია, კანადა, ესპანეთი, იტალია, ფინეთი, ლატვია, ლიტვა და სხვები.

ქვეყნები, სადაც მედია გარემო თავისუფალი არ არის 45% შეადგენენ, ესენია: აზერბაიჯანი, ყირიმი, კუბა, ირანი, ჩრდილოეთ კორეა, სირია, თურქმენეთი და უზბეკეთი, რუსეთი, თურქეთი, არაბეთი, ყაზახეთი, ცენტრალური აფრიკა, ლიბია, მოროკო, კონგო და სხვა.

ქვეყნები, სადაც მედია გარემო ნაწილობრივ თავისუფალია - საქართველო, ინდონეზია, ინდოეთი, ავღანეთი, პოლონეთი, უკრაინა, რუმინეთი, უნგრეთი, სერბეთი, ნიკარაგუა, ბოლივია, ბრაზილია, პერუ, სომხეთი და სხვა.

აღსანიშნავია, რომ პოსტსაბჭოთა ქვეყნებს შორის საქართველოს საუკეთესო მაჩვენებელი აქვს, ხოლო გლობალურ რეიტინგში 102-ე პოზიციაზეა. პოსტსაბჭოთა სივრცეში ნაწილობრივ თავისუფალი სტატუსი მხოლოდ საქართველოს, უკრაინასა და მოლდოვას გააჩნია. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა