საგამოძიებო სამსახურმა შემოსავლების სამსახურთან ერთად გამოავლინა სქემა, რომლის მეშვეობითაც სახელმწიფო ბიუჯეტის კუთვნილი განსაკუთრებით დიდი ოდენობის თანხის დაუფლების  ფაქტზე დააკავა მოქალაქეები, ნანა მენთეშაშვილი, ზურაბ ვაჩეიშვილი, ლევან შურღაია და გრიგოლ ძაგანია.

ამის შესახებ საგამოძიებო სამსახურის პრესსამსახურის უფროსმა გიორგი გრძელიშვილმა ფინანსთა სამინისტროში გამართულ ბრიფინგზე განაცხადა. 

მისივე ინფორმაციით,  ასევე სისხლის სამართლის პასუხისგებაში მიეცა  სალომე დევაძე, ნიკოლოზ ვეკუა, ელეონორ გიორგაძე, ნანი კობახიძე, ვასილ გაბუნია. 

როგორც გრძელიშვილმა განაცხადა, ფაქტობრივად არაფუნქციონირებადი საწარმო შპს „პრომაშინის „ ბუღალტერი ნანა  მენთეშაშვილი, მისი ყოფილი მეუღლე გრიგოლ ძაგანია და მათი მეგობარი ზურაბ ვაჩეიშვილი ე.წ. დაუბეგრავი მინიმუმის პროგრამის ამოქმედების შემდეგ განზრახ ყალბი მონაცემების შეტანით აკორექტირებდნენ საწარმოს გასული წლის დეკლარაციებს, რითაც ფიქტიურად დასაქმებულად აჩვენებდნენ საქართველოს ათასობით მოქალაქეს.  ამის შემდეგ ამ მოქალაქეების სახელით  შემოსავლების სამსახურის ვებგვერდიდან აგზავნიდნენ დაუბეგრავი მინიმუმის გამოქვითვის შესახებ დეკლარაციებს და ამ გზით ბიუჯეტიდან უკანონოდ იღებდნენ დაუბეგრავი მინიმუმის სახელმწიფოს კუთვნილ თანხას.

მისივე თქმით, საერთო ჯამში ბიუჯეტისთვის მიყენებულმა ზიანმა  419 095 ლარი შეადგინა.

" გამოძება ასევე გრძელდება აღნიშნულ დანაშაულში მონაწილე სხვა პირების იდენტიფიცირების მიზნით, 
ყველას ვისაც აქვს მსგავსი ბოროტი განზრახვა საგამოძებო აფრთხილებს მათ, რომ აუცილებლად იქნება მსგავსი დანაშაული გამოძებული“, – აღნიშნა გრძელიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა