„ერთიანი ნაციონალური მოძრაობის“  დეპუტატ სალომე სამადაშვილის განცხადებით, პრეზიდენტს თავის გამოსვლაში მწვავედ არ უსაუბრია რუსეთის მხრიდან განხორციელებულ ანექსიაზე და მისი ტონი ამ მხრივ რბილი იყო.

როგორც დეპუტატმა აღნიშნა, ამ თვალსაზრისით პრეზიდენტის გამოსვლა რბილი იყო.  

"პრეზიდენტის მოწოდება, რომ საქართველო ევროკავშირის წევრობის კანდიდატობისთვის უნდა მოემზადოს, სწორი იყო, მაგრამ ამას სტრატეგია და მკაფიოდ გაწერილი სამოქმედო გეგმა ჭირდება, რაც მთავრობას არ გააცნია.  პრეზიდენტის გამოსვლაში ადეკვატური სიმწვავით არ დაისვა ანექსიის პრობლემა, რომელიც აშკარად ხორციელდება. ამ მხრივ მისი ტონი უფრო მწვავე უნდა ყოფილიყო და გაეკრიტიკებინა მთავრობის არსებული პოლიტიკა. ამ თვალსაზრისით პრეზიდენტის გამოსვლა ჩემთვის რბილი იყო“,-განაცხადა სამადაშვილმა.

ცნობისთვის, საქართველოს საგაზაფხულო პლენარულ სესიაზე პრეზიდენტი გიორგი მარგველაშვილი ყოველწლიური მოხსენებით უკვე წარსდგა. ამჟამად პარლამენტში 2 საათიანი შესვენებაა გამოცხადებული, რის შემდეგადაც დებატების პროცესი დაიწყება, რომელშიც დეპუტატები და მთავრობის წევრები მიირებენ მონაწილეობას. პრეზიდენტის მოხსენებას პრემიერ-მინისტრი გიორგი კვირიკაშვილი, ვიცი-პრემიერი და ენერგეტიკის მინისტრი კახა კალაძე, განათლების მინისტრი ალექსანდრე ჯეჯელავა, ეკონომიკის მინისტრი გიორგი გახარია, ლტოლვილტა და განსახლების მინისტრი სოზარ სუბარი და შს მინისტრი გიორგი მღებრიშვილი ესწრებიან. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გიგა ფარულავა - ლევან მაჭავარიანს დაუწერეს და დაადებინეს ეს კონკრეტული განცხადება

ირაკლი ფავლენიშვილი – ერთადერთი, ვინც გარე ძალებისგან დირექტივებს იღებს, ივანიშვილის რეჟიმია

მაჭავარიანი – 2028 წლამდე გარე ძალები კიდევ შემოგვთავაზებენ ოპოზიციის გადალაგების ახალ სქემებს, თუმცა, ნუ დაავიწყდებათ, წინ აქვთ სასამართლო პროცესი

საქართველოს ბანკის მხარდაჭერით თბილისში პირველი ჰიპ-ჰოპ ფესტივალი გაიმართება