შპს „კავკასუს ონლაინს“ მომხმარებლის უფლებების დარღვევის გამო სანქცია–წერლობითი გაფრთხილება დაეკისრა. 

როგორც საქართველოს კომუნიკაციების ეროვნული კომისიის 2014 წლის ანგარიშშია ნათქვამი, კომპანიას აბონენტთან მომსახურების მიწოდების შესახებ წერილობითი ხელშეკრულება არ ჰქონდა გაფორმებული. ამასთან, აბობნენტს არასათანადო ხარისხის მომსახურებას უწევდა.  

კომისიის ინფორმაციით, მონიტორინგის შედეგად „კავკასუს ონლაინში“ კიდევ ერთი დარღვევა გამოიკვეთა. აღნიშნული კომპანია მაუწყებლობის ტრანზიტის მომსახურების მიწოდებისას სამაუწყებლო არხს ზრდასრულთათვის (+18) არასათანადო კოდირებით აწვდიდა მომხმარებელს. 
როგორც კომუნიკაციების ეროვნულ  კომისიაში აცხადებენ, „კავკასუს ონლაინმა“ დაარღვია  „ელექტრონული კომუნიკიაციების სფეროში მომსახურების მიწოდებისა და მომხმარებელთა უფლებების დაცვის შესახებ“ რეგლამენტი, რის გამოც კომპანიას დაეკისრა სანქცია – წერილობითი გართხილება. 

კომპანიას გონივრულ ვადაში არასრულწლოვანთათვის მავნე ზეგავლენის მქონე პროდუქციის კოდირების გარეშე მიწოდების შეზღუდვა და აბონენტისათვის მომსახურების შეფერხებით მიწოდების დღეებზე კომპენსაციით უზრუნველყოფა დაევალა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სასწავლო წელი დაიწყო

კობახიძე -ჩვენი მიზანია ჩანასახშივე მოვკლათ რუსოფობია

Bloomberg: საუდის არაბეთმა ასევე მოითხოვა დახმარება დიდი ბრიტანეთისგან ჰუსიტების წინააღმდეგ ომში.

აშშ-ის წარმომადგენელთა პალატამ რუსეთის წინააღმდეგ სანქციების შესახებ კანონპროექტის განხილვა დაამტკიცა