დღეიდან უკრაინის აღმოსავლეთ რეგიონებში ცეცხლის შეწყვეტის ზავი ამოქმედდება, - ამის შესახებ RadioFreeEurope იუწყება. 

მედია საშუალების ინფორმაციით, შესაბამისი ბრძანება უკრაინის პრეზიდენტმა პეტრო პოროშენკომ უკვე გასცა. 

ამასთან, როგორც მედია წერს, 29 მარტს, მინსკში უკრაინაზე მომუშავე საკონტაქტო ჯგუფი 1 აპრილიდან დონბასში ცეცხლის სრულ შეწყვეტაზე შეთანხმდა.

თავის მხრივ თვითაღიარებული ლუგანსკისა და დონეცკის სახალხო რესპუბლიკების დე ფაქტო ლიდერები აცხადებენ, რომ საზავო პირობას დაიცავენ.

შეგახსენებთ, რომ აღმოსავლეთ უკრაინაში დონეცკისა და ლუგანსკის ოლქებში ადგილობრივ ხელისუფლებასა და რუსეთის მომხრე აჯანყებულებს შორის ომი 2014 წლის 6 აპრილს დაიწყო. მას 2014 წლის უკრაინის რევოლუცია და ევრომაიდანი მოჰყვა, რომელმაც პრორუსი ვიქტორ იანუკოვიჩის მმართველობა დაასრულა. საპასუხოდ, რუსმა აქტივისტებმა ყირიმის ნახევარკუნძულზე ადმინისტრაციული შენობები და აეროპორტები დაიკავეს სადაც, მოსახლეობის უმრავლესობას რუსები შეადგენენ. 

2016 წლის ბოლოსა და მიმდინარე წლის დასაწყისში უკრაინის აღმოსავლეთში სიტუაცია კვლავ გამწვავდა, ცეცხლის შეწყვეტის რეჟიმი დაირღვა, რასაც ორივე მხრიდან მსხვერპლი მოჰყვა. უკრაინა ცეცხლის შეწყვეტის რეჟიმის დარღვევას რუსეთს აბრალებდა, მოსკოვი - კიევს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინელების მოკლული გენერალ-მაიორი ანტონ გრუნისი, საქართველოს წინააღმდეგ 2008 წელს ომობდა

იემენელი ჰუსიტები მუსლიმებისთვის წმინდა ქალაქს მექას დაესხნენ თავს

SOLO-ს განსაკუთრებული შეთავაზება ისთ ფოინთის დაბადების დღეს SOLO VISA ბარათის მფლობელებს

ახალი შეთავაზება TBC-ის პლატფორმაზე - დაიბრუნე ვაჭრობის საკომისიო და დასაჩუქრდი $500-მდე