ლტოლვილთა და განსახლების მინისტრის სოზარ სუბარის განცხადებით, საკონსტიტუციო ცვლილებები ხორციელდება მხოლოდ იმისთვის, რომ გამართული კონსტიტუცია მივიღოთ.

როგორც მინისტრმა აღნიშნა, ყველა საკითხზე კონსენსუსი მიღწეული ვერ იქნება, მაგრამ ძალიან დაბეჯითებით მსჯელობა მიმდინარეობს. 

"საკონსტიტუციო ცვლილებები ხორციელდება მხოლოდ იმისთვის, რომ გამართული კონსტიტუცია მივიღოთ, რომელიც მრავალი ათეული წლების განმავლობაში უცვლელად მოემსახურება ხალხს და ქვეყანას. პარლამენტისა და საკონსტიტუციო კომისიის თავმჯდომარემ ირაკლი კობახიძემ ძალიან მკაფიოდ თქვა არაერთხელ, რომ თუ რომელიმე საკითხზე ვენეციის კომისია იტყვის, რომ ეს არ შეესაბამება დემოკრატიული კონსტიტუციიის პრინციპებს, ის არ იქნება მიღებული“, - განაცხადა სუბარმა. 

ამასთან, სუბარის შეფასებით, ის პრეზიდენტის მრჩეველის მოსაზრებას, იმის თაობაზე, რომ კონსტიტუცია შესაცვლელი არ არის, არ ეთანხმება. 

მინისტრის ინფორმაციით, გარდამავალ დებულებაში ჩაიწერება, რომ მომავალი წელს საპრეზიდენტო არჩევნები იმ წესით ჩატარდება, რომლითაც დღემდე ტარდებოდა.

„2020 წელს გამარჯვებულ პოლიტიკურ პარტიას ექნება უფლება აირჩიოს პრეზიდენტი იმ წესით, რასაც გულისხმობს საპარლამენტო რესპუბლიკა. თანაც, როგორც ვიცი, გათვალისწინებულია ოპოზციის შემოთავაზება და მსჯელობენ ახალ ვარიანტზე, რომ პარალამენტმა კი არ აირჩიოს, არამედ აირჩიოს დიდმა საბჭომ, რომელშიც შევა ნახევარი პარლამენტარები, ნახევარი თვითმმართველობების, ავტონომიური რესპუბლიკის, აფხაზეთის ლეგიტიმური სტრუქტურების წარმომადგენლები. თუ ვინმე აპირებს, რომ მოიგოს, არჩევნები 2020 წელს, მათთვის მიგვიცია ეს უფლება“, - განაცხადა სუბარმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დუნაის დაბლა დაწევამ უნგრეთში, ბოლო 44 წლის განმავლობაში პირველად, ატომური ელექტროსადგურის სრული გაჩერება გამოიწვია

ტრამპი აცხადებს, რომ თუ შეთანხმება სწრაფად იქნება მიღწეული, ის თავს შეიკავებს ირანზე დარტყმისგან

დრონები თავს დაესხნენ სარატოვში ნავთობგადამამუშავებელ ქარხანას და ენგელსის აეროდრომს

რუსეთში დრონის თავდასხმის შემდეგ Wildberries-ის კიდევ ერთ დიდ საწყობს ცეცხლი გაუჩნდა