დღეს არ არის რიგითი დღე, დღეს განსაკუთრებული დღეა, - ამის შესახებ ევროკავშირის საბჭოს პრეზიდენტმა დონალდ ტუსკმა საქართველოს პრემიერ-მინისტრ გიორგი კვირიკაშვილთან გამართულ ერთობლივ პრესკონფერენციაზე განაცხადა. 

მისი განცხადებით, ეს იყო გრძელი გზა და მღებულმა შედეგმა კიდევ უფრო დააახლოვა საქართველო და ევროკავშირი. 

„ეს იყო გრძელი გზა. თუმცა, უვიზო რეჟიმის ამოქმედებით საქართველო და ევროკავშირი დაუახლოვდნენ ერთმანეთს. საქართველომ დიდი სამუშაო შეასრულა. ეს ისტორიული დღეა ყველა ჩვენგანისთვის, განსაკუთრებით საქართველოს მოქალაქეებისთვის. ეს მნიშვნელოვანი ნაბიჯია საქართველო-ევროკავშირის ურთიერთობების განვითარებისთვის“, - აღნიშნა ევროკავშირის საბჭოს პრეზიდენტმა. 

მან აქვე აღნიშნა, რომ მხარეებმა შეხვედრაზე საქართველო-ევროკავშირის ურთიერთობების განვითარება განიხილეს. ასევე, მედიაპლურაზმიც.

„ევროკავშირი განაგრძობს საქართველოსთვის დახმარების გაწევას. ჩვენ ველოდებით საქართველოსა და ევროკავშირს შორის ვაჭრობის მოცულობის ზრდას. საქართველოს პრემიერ-მინისტრმა დაადასტურა საქართველოს ერთგულება მედია პლურალიზმის საკითხში. ეს განსაკუთრებით მნიშვნელოვანია ტელეკომპანია „რუსთავი 2“-ის საქმის გათვალისწინებით. ევროკავშირი ამ მიმართულებით კონკრეტულ ნაბიჯებს მოელის, რათა მედია პლურალიზმი უზრუნველყოფილი იყოს“, - განაცხადა დონალდ ტუსკმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია