|
2017-03-24 19:01:51, 2562 ნახვა
ეკონომიკა
ბიზნეს სექტორის წარმომადგენლებთან სამუშაო შეხვედრას აჭარის მთავრობის თავმჯდომარე დაესწრო
საქართველოს ეკონომიკისა და მდგრადი განვითრების მინისტრმა გიორგი გახარიამ ბათუმში ბიზნეს სექტორის წარმომადგენლებთან სამუშაო შეხვედრა გამართა. სასტუმრო "ჰილტონში" გამართულ შეხვედრას აჭარის მთავრობის თავმჯდომარე მთავრობის სხვა წევრებთან ერთად დაესწრო. ტურიზმის ინდუსტრიის წარმომადგენლებს სიტყვით საქართველოს ეკონომიკისა და მდგრადი განვითარების მინისტრმა და აჭარის მთავრობის თავმჯდომარემ მიმართეს. ტურიზმის სექტორში მიმდინარე პროექტებისა და მომავალი გეგმების შესახებ პრეზენტაცია საქართველოს ეკონომიკისა და მდგრადი განვითრების მინისტრის მოადგილემ ქეთევან ბოჭორიშვილმა გამართა. ,,ტურისტული სეზონის დაწყების წინ ძალიან მნიშვნელოვანი იყო მსგავსი ღონისძიება. მოვისმინეთ ბიზნეს სექტორის წარმომადგენლებისგან შემოთავაზებები, თუ რა უნდა გაკეთდეს სერვისების გაუმჯობესების და დახვეწის კუთხით. ძალიან მალე იწყება ზაფხულის სეზონი. როგორც იცით, ჩვენს რეგიონში ტურიზმის სხვადასხვა სახეობა ვითარდება. ჩვენ მზად ვართ 4-ივე სეზონზე მივიღოთ ტურისტები და მაქსიმალურად მაღალ დონეზე მოვემსახუროთ მათ. სახელმწიფო სხვადასხვა სატრენინგო-საკონსულტაციო შეხვედრების ფარგლებში ახდენს განთავსებისა და კვების ობიექტებში დასაქმებული კადრების გადამზადებას"-აღნიშნა ზურაბ პატარაძემ შეხვედრაზე გამოსვლილას. მინისტრმა კერძო სექტორის წარმომადგენლებს ის ინიციატივები გააცნო, რომლებიც ეტაპობრივად განხორციელდება და ბიზნესის ხელშეწყობაზე იქნება ორიენტირებული. შეხვედრა კითხვა-პასუხის რეჟიმში წარიმართა. საქმიანი წრეების წარმომადგენლებმა მთავრობის ხელმძღვანელ პირებს მათ წინაშე მდგარი პრობლემები გააცნეს და გადაწყვეტის გზებსა და შესაძლებლობებზე იმსჯელეს. გიორგი გახარიას განცხადებით, სწორედ ბიზნესია ის ძირითადი ინსტრუმენტი, რომელმაც ხელი უნდა შეუწყოს ეკონომიკის ზრდას და სამუშაო ადგილების შექმნას. "ჩვენ ვიცით, რომ 2016 წელს 6 მილიონზე მეტ ტურისტს ვუმასპინძლეთ და, შესაბამისად, 2017 წლისთვის ამბიციური გეგმები გვაქვს. ვცდილობ დავიწყოთ მოსამზადებელი ეტაპი და ამიტომ ტურიზმის სექტორის წარმომადგენლებთან შეხვედრები გვაქვს, რათა ის ხარვეზები აღმოვფხვრათ. დრო ჯერ კიდევ გვაქვს, ვნახოთ მათი გეგმები და გავეცნოთ მათ წინადადებებს", - აღნიშნა გიორგი გახარიამ.
ყირიმის ხიდი უკრაინის შეიარაღებული ძალების მიერ განხორციელებული დარტყმის შემდეგ ჩამოინგრა
კალაძე საცობებზე - გზების გაფართოებისა და ესტაკადების მშენებლობის ეფექტი დროებითია
კალაძე საცობებზე - უნდა გვესმოდეს ერთი მარტივი რამ, ქალაქის ქუჩების სივრცე უსასრულო არ არის
დეკანოიძე - საკონსტიტუციო სასამართლოს მოსამართლეები განსაკუთრებული აგრესიით, ფაქტების უგულებელყოფითა და აშკარა მიკერძოებით განიხილავენ მართლმსაჯულების რეფორმის ერთ-ერთ მნიშვნელოვან კომპონენტს
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



