|
2017-03-21 16:03:40, 2336 ნახვა
ეკონომიკა
საერთაშორისო ბიზნეს ფორუმის მონაწილეები ს.ს „ქართული ლუდის კომპანიას“ ესტუმრნენ
სს. „ბია“-ს ორგანიზებით „რადისონ ბლუ ივერიის“ სასტუმროში საერთაშორისო ბიზნეს ფორუმი - „საქართველოს ეკონომიკა: პერსპექტივები და გამოწვევები“ ჩატარდა. ფორუმის მიზანია საქართველოს ეკონომიკის და რეგიონის საკითხებით დაინტერესებული ინვესტორების, ბიზნესმენების, მთავრობის წარმომადგენლების და საერთაშორისო ორგანიზაციების გაერთიანება სადისკუსიოდ ისეთ თემებზე, როგორიცაა ქვეყნის და რეგიონის ეკონომიკის მიმდინარე პერსპექტივები და გამოწვევები. ფორუმს ესწრებოდნენ უცხოელი ინვესტორები, საერთაშორისო სარეიტინგო სააგენტოების, საინვესტიციო ბანკების, ვენჩურული კომპანიების, კერძო ფონდების წარმომადგენლები, ასევე ადგილობრივი მთავრობის, დიპლომატიური მისიების, სავაჭრო პალატების წარმომადგენლები და ქართველი მეწარმეები. ფორუმის ფარგლებში საერთაშორისო საფინანსო ორგანიზაციების წარმომადგენლები, აშშ-ს მსხვილი საბანკო სექტორის წარმომადგენლები, რეგიონის უმსხვილესი ბიზნეს კომპანიების წარმომადგენლები, ს.ს „ქართული ლუდის კომპანიას ესტუმრნენ. ს.ს „ქართული ლუდის კომპანიის“ დირექტორის კახაბერ კოტრიკაძის განცხადებით მსგავსი სახის გაცნობითი და B2B შეხვედრები გარკვეულ წარმოდგენებს უქმნის უცხოელ ინვესტორებს და საფინანსო ორგანიზაციების წარმომადგენლებს ჩვენი ქვეყნის შესახებ. ეს არის ერთ-ერთი მნიშვნელოვანი ბერკეტი ფინანსური რესურსის მოსაზიდად, საექსპორტო არხების განვითარებისათვის და უცხოურ კომპანიებთან გრძელვადიანი ურთიერთობების დასამყარებლად. „ეს არის წარმოება, რომელმაც მოგვცა იმპულსი იმისა, რომ გვეთქვა - დღეს საქართველო აბსოლუტურად მზადაა მიიღოს ევროპული და ამავდროულად, მსოფლიოს განვითარებული ქვეყნების ეკონომიკური გამოწვევები. მსგავსი წარმოება არის პლატფორმა, ჩვენთვის, უცხოური საფინანსო ორგანიზაციებისთვის იმისთვის რომ განვიხილოთ პერსპექტივები სამომავლო თანამშრომლობაზე და ინვესტიციების განხორციელებაზე.“ - განაცხადა ამერიკული ბანკის Wells Fargo-ს ვიცე პრეზიდენტმა გიორგი აკირთავამ. „რა თქმა უნდა გვქონდა წარმოდგენები საქართველოში არსებულ ადგილობრივ წარმოებებზე. ის რაც დღეს ვნახეთ ჩვენთვის იყო ძალიან ძლიერი შთაბეჭდილება, რომელმაც ყოველგვარ მოლოდინს გადააჭარბა“ - განაცხადა ევროპლანის დირექტორმა ალექსანდრე მიხაილოვმა. „ზედაზენის“ სტუმრებმა საწარმოში მიმდინარე სამუშაო პროცესები დაათვალიერეს და ქარხანაში წარმოებული პროდუქცია დააგემოვნეს.
(NS)
ყირიმის ხიდი უკრაინის შეიარაღებული ძალების მიერ განხორციელებული დარტყმის შემდეგ ჩამოინგრა
კალაძე საცობებზე - გზების გაფართოებისა და ესტაკადების მშენებლობის ეფექტი დროებითია
კალაძე საცობებზე - უნდა გვესმოდეს ერთი მარტივი რამ, ქალაქის ქუჩების სივრცე უსასრულო არ არის
დეკანოიძე - საკონსტიტუციო სასამართლოს მოსამართლეები განსაკუთრებული აგრესიით, ფაქტების უგულებელყოფითა და აშკარა მიკერძოებით განიხილავენ მართლმსაჯულების რეფორმის ერთ-ერთ მნიშვნელოვან კომპონენტს
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



