რუსთაველის მეტროსთან ცხოველთა უფლებების დამცველთა აქცია გაიმართა

2015-04-04 15:24:01, 571 ნახვა

საზოგადოება

მეტრო "რუსთველის" მიმდებარე ტერიტორიაზე ცხოველთა უფლებების დაცვის მიზნით აქცია გაიმართა.
აქციის მონაწილეები ცხოველთა მიმართ კანონში შესატან ცვლილებებს აპროტესტებდნენ, რომელიც დედაქალაქის საკრებულომ უნდა განიხილოს.
როგორც ჟურნალისტებთან საუბრისას სრულიად საქართველოს ცხოველთა დაცვის საზოგადოების თავმჯდომარემ ვახტანგ მამალაძემ აღნიშნა, ცხოველთა უფლებების დამცველები საკრებულოსთან თანამშრომლობენ და იმედს იტოვებენ, რომ საკრებულო ოთხფეხა მეგობრების კეთილდღეობაზე იზრუნებს.
„დღეს 4 აპრილი ეს არის უსახლკარო ცხოველთა დაცვის საერთაშორისო დღე. ამ დღეს ჩვენ ცხოველთა დაცველები გამოვდივართ გარეთ ხვდებით მოსახლეობას და ასევე სახელმწიფოს ვახსენებთ, რომ ცხოველთა კეთილდღეობა ეს არის ეროვნული სტრატეგია. თითოეულმა ჩვენგანმა უნდა იზრუნოს ცხოველთა კეთილდღეობაზე და მათ მომავალზე რა თქმა უნდა. მოგეხსენებათ, საკრებულომ შეიმუშავა წესის პროექტი, რომელიც ცოტა არ იყოს ორაზროვანია, მთლიანობაში ჩვენ ცხოველთა დამცველები ვთანამშრობლობთ საკრებულოსთან, ვმუშაობთ ამ წესის პროექტზე გარკვეული შენიშვნები გვაქვს, წინააღმდეგობაშიც მოვდივართ, მაგრამ მთლიანობაში ასე თუ ისე პროგრესირებადია პროექტის მეორე ახალი ვარიანტი. ჩვენ მაინც ვერ გაგვიგია, რომელია პრიორიტეტული საკრებულოსთვის ამ წესის პროექტში.იმედია, ცხოველების საკეთილდღეოდ ყველაფერი კარგად იქნება. მოსახლეობას ვთხოვ სიყვარული და სითბო გამოიჩინონ ქუშაში მყოფი უპატრონო ცხოველების მიმართ“,-განაცხადა ვახტანგ მამალაძემ.
შეგახსნებთ, რომ აქცია უპატრონო ცხოველთა საერთაშორისო დღეს მიეძღვნა.