თავდაცვის ყოფილი მინისტრი ირაკლი ალასანია საჰაერო უსაფრთხოების შესახებ ხელშკერულებას ეხმაურება, რომელზე ხელმოწერაც საფრანგეთში უნდა განხორციელებულიყო. 

როგორც ალასანიამ „თავისუფალი დემოკრატების“ ოფისში გამართულ ბრიფინგზე განაცხადა, ყოფილმა პრემიერ–მინისტრმა ბიძინა ივანიშვილმა და მოქმედმა პრემიერმა ირაკლი ღარიბაშვილმა საქართველოს თავდაცვითი შესაძლებლობების შეძენაზე უარი ათქმევინეს. 

„მინდა აღვნიშნო  თუ კი ჩვენ გვინდა, ავიცილოთ ომი, ამის ყველაზე  დიდი ძალაა, იყო მზად ომისთვის, მშვიდობის დაცვისთვის. ამას სჭირდება  შეიარაღებულ ძალებში და ჩვენს საზოგადოებაში წინააღმდეგობის გაწევის ნება. მაგრამ ეს ნება, რომ რეალიზირდეს, მას სჭირდება შესაძლებლობები, რომელსაც ჰქვია თავდაცვითი შესაძლებლობები. სწორედ ასეთი ერთ–ერთი  ფუნდამენტალური შესაძლებლობის შეძენაზე უარი ათქმევინა ბიძინა ივანიშვილმა და ირაკლი ღარიბაშვილმა, რადგან მათ არასდროს არავინ არ დაუკარგავთ ომში  და მათ არასდროს გულწრფელი სოლიდარობა არ ჰქონიათ საქართველოს სამხედროებთან, თავდაცვასთან და ჩვენი ქვეყნის ჯართან“, – აღნიშნა ალასანიამ. 

მან დეტალურად ახსნა, თუ რა შესაძლებლობები ექნებოდა ქვეყანას თუ კი  საჰაერო უსაფრთხოების შესახებ ხელშკერულებას ხელი მოეწრებოდა და აქვე აღნიშნა, რომ დაწყებულ საქმეს საზოგადოებასთან და შეიარაღებულ ძალებთან ერთად გააგრძელებს. 

„ბუნებრივია, მე ვერანაირ დეტალეს ვერ გავამხელ, ამ შეთანხმებით თუ რა ტაქტიკური, ოპერატიული საშუალებები იქნებოდა საქართველოში განლაგებული.  მაგრამ ვიტყვი, თუ რისგან შეგვეძლებოდა თავდაცვა, თუ კი ეს შესაძლებლობები საქართველოში განთავსდებოდა. პირველი,  ყველა სახის მოიერიშე თვითმფრინავი, ყველა სახის ბომბდამშენი, ვერტმფრენი იქნებოდა ჩვენს საჰაერო სივრცეში პრაქტიკულად შემოსვლის შესაძლებლობის გარეშე. სრულ კონტროლს ავიღებდით ჩვენს საჰაერო სუვერენიტეტზე და გარდა ამისა, რაც ძალიან მნიშვნელოვანია და 2008 წლის აგვისტოს ომში ნათლად დადასტურდა ეს საფრთხე,  ჩვენ მოგვეცემოდა შესაძლებლობა გავმკლავებოდით ისეთ საფრთხესთან, როგორიცაა საშუალო და მოკლე სიშორის ბალისტიკური იარაღები. როგოიცაა ე.წ. ისკანდერი და ასევე სხვა სარაკეტო სისტემები, რომელიც ჩვენს წინააღმდეგ ამ 20 წლის განმავლობაში არაერთხელ გამოიყენა მოწინააღმდეგემ“, – აღნიშნა ალასანიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნატო: რუსეთმა მოკავშირეების დაშინება დანიური ვერტმფრენის მიმართულებით ცეცხლსასროლი იარაღის სროლით სცადა

ტრამპ უმცროსის მეუღლემ დაადასტურა, რომ პუტინის დაცვის უფროსის მეგობარმა აშშ-ის პრეზიდენტის შვილის ქორწილი დააფინანსა

ოცნების 14-მა ე.წ დეპუტატმა ტელეფონის სქროლისას ვერ შეამჩნიეს, როგორ დაუჭირეს მხარი გახარიას პარტიის ინიციატივას

მოზარდი, რომელსაც მკვლელობისთვის წარდგენილი ბრალი შეუმსუბუქდა, პატიმრობიდან გაათავისუფლეს