|
2017-03-09 18:38:02, 2082 ნახვა
ეკონომიკა
ქუმსიშვილი ევროკომისიის სამეზობლო პოლიტიკისა და გაფართოების საკითხებში გენერალური დირექტორატის ხელმძღვანელის მოადგილეს შეხვდა
პირველი ვიცე-პრემიერი, ფინანსთა მინისტრი დიმიტრი ქუმსიშვილი ევროკომისიის ევროპული სამეზობლო პოლიტიკისა და გაფართოების საკითხებში გენერალური დირექტორატის ხელმძღვანელის მოადგილეს, კატარინა მატერნოვას და საერთაშორისო საფინანსო ინსტიტუტების წარმომადგენლებს შეხვდა. ფინანსთა სამინისტროში გამართულ შეხვედრას, ასევე, დაესწრნენ ევროკავშირის ელჩი საქართველოში იანოშ ჰერმანი, ევროპის რეკონსტრუქციისა და განვითარების ბანკის რეგიონული დირექტორი ბრუნო ბალვანერა, საერთაშორისო სავალუტო ფონდის მუდმივი წარმომადგენელი საქართველოში ფრანსუა პეშო. მხარეებმა განიხილეს ენერგოეფექტურობის პოლიტიკასთან დაკავშირებული საკითხები და ამ მიმართულებით ევროკავშირისა და სხვა დონორების მხრიდან მხარდაჭერის პერსპექტივები. დიმიტრი ქუმსიშვილმა კიდევ ერთხელ ხაზი გაუსვა ევროკავშირის მხრიდან საქართველოსადმი დახმარების პროგრამების მნიშვნელობას და განაცხადა, რომ ეს პროგრამები პასუხია ქვეყნის მოსახლეობის მიერ გამოხატულ ევროპულ არჩევანზე. კატარინა მატერნოვამ კმაყოფილება გამოთქვა საქართველოს მიერ ვიზალიბერალიზაციის სამოქმედო გეგმის სრულად განხორციელების და აღნიშნული პროცესის წარმატებით დასრულების გამო. მან ხაზი გაუსვა საქართველოს მზაობას, კვლავ გააგრძელოს ევროპულ და ევროატლანტიკურ სტრუქტურებში ინტეგრაციის საკითხებზე მუშაობა და სტრუქტურული რეფორმების განხორციელება. „დღეს გაიმართა მნიშვნელოვანი განხილვა ენერგოეფექტურობის პოლიტიკასთან დაკავშირებით, ასევე, ვიმსჯელეთ იმ ღონისძიებებზე და სამოქმედო გეგმაზე, რომელთა მიმართებაშიც ჩვენ უნდა დავიწყოთ საჯარო მსჯელობა, უნდა განხორციელდეს მნიშვნელოვანი საკანონმდებლო ცვლილებები. ენერგოეფექტურობის ამაღლება ქვეყანაში ძალიან მნიშვნელოვანია, ვინაიდან ესაა ერთ-ერთი საშუალება, რომელიც მოსახლეობას დანაზოგების შექმნაში ეხმარება და საბოლოო ჯამში, უზრუნველყოფს მათ ეკონომიკურ კეთილდღეობას," - განაცხადა ფინანსთა მინისტრმა, დიმიტრი ქუმსიშვილმა. „ჩვენ გვქონდა ძალიან კარგი შეხვედრა პირველ ვიცე-პრემიერთან, ფინანსთა მინისტრ დიმიტრი ქუმსიშვილთან. შეხვედრაზე, ძირითადად, ვისაუბრეთ ენერგოეფექტურობის პოლიტიკასთან დაკავშირებულ საკითხებზე. ეს არ არის მხოლოდ ვალდებულება, რომელიც საქართველოს აღებული აქვს ასოცირების ხელშეკრულების მიხედვით, ენერგოეფექტური პოლიტიკა უზრუნველყოფს, ასევე, ეკონომიკურ კეთილდღეობას, ეკონომიკის ზრდას და ამის კარგი ნიშნები უკვე არის თქვენს ქვეყანაში. ენერგოეფექტურობა ნიშნავს რეგულირების სტანდარტების დანერგვას და ამ მიმართულებით ახალი ინვესტიციების განხორციელებას როგორც საჯარო, ისე კერძო სექტორში. ჩვენ მიგვაჩნია, რომ თქვენს ქვეყანას დიდი პოტენციალი აქვს ამ კუთხით. მნიშვნელოვანია, ეკონომიკის ზრდასთან ერთად, მოხდეს ენერგო მოხმარების დაზოგვა და ამავე დროს, ენერგოეფექტურობის ამაღლება. პირველმა ვიცე-პრემიერმა ამ საკითხისადმი დიდი მხარდაჭერა გამოთქვა. ჩვენ ვისაუბრეთ ამ მიმართულებით სამომავლო თანამშრომლობის გზებზე," - განაცხადა ევროკომისიის ევროპული სამეზობლო პოლიტიკისა და გაფართოების საკითხებში გენერალური დირექტორატის ხელმძღვანელის მოადგილემ, კატარინა მატერნოვამ. შეხვედრას, ასევე, დაესწრნენ მსოფლიო ბანკის, ევროპის საბჭოს განვითარების ბანკის, საერთაშორისო საფინანსო კორპორაციის წარმომადგენლები. აგრეთვე, ეკონომიკისა და მდგრადი განვითარების, ენერგეტიკის მინისტრის მოადგილეები.
ყირიმის ხიდი უკრაინის შეიარაღებული ძალების მიერ განხორციელებული დარტყმის შემდეგ ჩამოინგრა
კალაძე საცობებზე - გზების გაფართოებისა და ესტაკადების მშენებლობის ეფექტი დროებითია
კალაძე საცობებზე - უნდა გვესმოდეს ერთი მარტივი რამ, ქალაქის ქუჩების სივრცე უსასრულო არ არის
დეკანოიძე - საკონსტიტუციო სასამართლოს მოსამართლეები განსაკუთრებული აგრესიით, ფაქტების უგულებელყოფითა და აშკარა მიკერძოებით განიხილავენ მართლმსაჯულების რეფორმის ერთ-ერთ მნიშვნელოვან კომპონენტს
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



