მეწარმეობის განვითარების სააგენტოს ინიციატივითა და ორგანიზებით, მიკრო და მცირე მეწარმეობის ხელშეწყობის პროგრამის ბენეფიციარებს სასწავლო კურსი ჩაუტარდებათ.

კერძოდ, ეკონომიკის სამინისტროს ინფორმაციით, მიკრო და მცირე მეწარმეობის ხელშეწყობის პროგრამის ფარგლებში,  მეწარმეების უნარების ამაღლების, პროდუქციის რეალიზაციის ხელშეწყობისა და არსებული ბიზნესის შემდგომი განვითარების  მიზნით,  კონკრეტული ბენეფიციარებისთვის მარკეტინგული მომსახურების შეთავაზება დაიგეგმა, რაც მოიცავს მათთვის 3 თვიან  საკონსულტაციო მომსახურებას და მის ფარგლებში სასწავლო კურსის განხორციელებას. 

პროგრამის ბენეფიციარებისათვის სასწავლო სემინარი 4 მარტს, სასტუმრო „ფაბრიკას“ ტერიტორიაზე (თბილისი, ნინოშვილის 8),   10:00 საათიდან 18:00 საათამდე გაიმართება.

4 მარტს დაგეგმილ სემინარზე მეწარმეობის კუთხით საქართველოში არსებული შესაძლებლობები და  პრობლემატიკა,  ფასდადგენასთან, პროდუქტის შეფუთვასა და ბრენდირებასთან დაკავშირებული და სხვა, ბიზნესის წარმატებულად წარმართვისთვის აუცილებელი საკითხები იქნება განხილული.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკიმ ტრამპს რუსეთის წინააღმდეგ „ჯოჯოხეთური სანქციების“ დაწესება მოსთხოვა

მაჭავარიანი – „ენჯეოებმა“ სააკაშვილისგან იგრძნეს ბულინგი, წნეხს ვერ გაუძლეს და შეიყვანეს სიაში

მიხეილ სააკაშვილი – „საერთაშორისო გამჭვირვალობამ“ მაღიარა პოლიტიკურ პატიმრად, დიდი მადლობა, სჯობს გვიან, ვიდრე არასდროს

გერმანიაში დაზიანებული სადენების გამო, დიდ ქალაქებს შორის რკინიგზის მოძრაობა შეფერხდა