აჭარის ტურიზმის დეპარტამენტმა რეგიონის ტურისტულ შესაძლებლობებს რეკლამირება ვროცლავის მე-9-ე საერთაშორისო ტურისტულ გამოფენაზე გაუწია.

აჭარის ტურიზმის დეპარტამენტის ინფორმაციით, პოლონეთში ერთ-ერთ ყველაზე ხალხმრავალ გამოფენაზე ვიზიტორები აჭარის ტურისტული პროდუქტებითა და რეგიონში მოგზაურობით დაინტერესდნენ.

მათივე ინფორმაციით,  გამოფენაზე ვიზიტორების განსაკუთრებული ყურადღება კი ეკოტურისტულ, სამთო და კულინარიულ მარშრუტებზე გაკეთდა.

გამოფენის ფარგლებში სამომავლო თანამშრომლობის მიზნით დეპარტამენტის წარმომადგენლებმა ორმხრივი შეხვედრები გამართეს ტურისტულ და სარეკლამო კომპანიებთან.

აჭარის ტურიზმის დეპარტამენტი გამოფენაში საქართველოს ტურიზმის ეროვნულ ადმინისტრაციასთან და ტურისტულ სააგენტოებთან ერთად მონაწილეობდა.

გამოფენაზე საქართველოს სტენდი სილეზიის სავოევოდოს მარშალთან ერთად მოინახულა აჭარის უმაღლესი საბჭოს თავმჯდომარემ.

აჭარის უმაღლესი საკანონმდებლო ორგანოს დელეგაცია მონაწილეობას ღებულობდა გამოფენის გახსნის ცერემონიალსა და პრესკონფერენციაში, სადაც თავმჯდომარემ სიტყით გამოსვლისას რეგიონებს შორის თანამშრომლობასა და განხორციელებულ პროექტებზე გაამახვილა ყურადღება.

წლის ბოლომდე, აჭარის ტურიზმის დეპარტამენტი რეგიონის ტურისტული შესაძლებლობები წარდგენას ვროცლავის გარდა პოლონეთში ორ გამოფენაში გეგმავს. კატოვიცესა და ვარშავის საერთაშორისო ტურისტული გამოფენები დამატებითი შესაძლებლობა იქნება დეპარტამანეტისთვის პოტენციურ ტურისტებში გამოიწვიოს აჭარაში მოგზაურობის სტუმულირება.

პოლონეთი აჭარისთვის ერთ-ერთი ყველაზე საინტერესო ტურისტული ბაზარია, სადაც რეგიონის რეკლამირებას დეპარტამენტი გაზაფხულიდან დაიწყებს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა ლიეტუვას მოსთხოვა, ევროკავშირის სანქციების გვერდის ავლის მიზნით, ბელარუსული კალიუმის ექსპორტისთვის პორტი გაეხსნა

სოციალური სამართლიანობის ცენტრი - საარსებო შემწეობის მიმღებთა რაოდენობის მკვეთრი კლება არაერთ კითხვას აჩენს

კობახიძე აზარტული თამაშების საერთაშორისო ტურნირთან დაკავშირებულ კანონზე - ეს არ არის განსაკუთრებული მნიშვნელობის მქონე კანონპროექტი

რუსეთის მიერ ოკუპირებული ოლეშკადან ხალხის ევაკუაცია დაიწყო