|
2017-02-24 14:04:23, 2535 ნახვა
ეკონომიკა
„თიბისი ბანკში“ ენდრიუ მაქქართის საჯარო ლექცია გაიმართა
„ფინანსური სერვისების მკვეთრი ზრდა, რომელიც მომხმარებელთა კმაყოფილებაზეა ორიენტირებული," - ამ თემაზე თიბისი გალერეაში პროფესორმა ენდრიუ მაქქართიმ საჯარო ლექცია გამართა. ლექცია-ვორქშოპს თიბისი ბანკის თანამშრომლები, ბიზნესკლიენტები და თსუ-ს საერთაშორისო ეკონომიკური სკოლის ISET-ის მაგისტრანტები ესწრებოდნენ. KPMG-ის კვლევების მიხედვით, 2020 წლისთვის მსოფლიოში მობაილბანკის გამოყენება გაორმაგდება და მას 1.8 მილიარდი მომხმარებელი ეყოლება. ასეთი სწრაფი ზრდა ბანკებს უსაზღვრო შესაძლებლობებს აძლევს ინოვაციური მიდგომებისათვის, რათა მოიზიდონ ახალი მომხმარებლები და შეინარჩუნონ არსებული. დისტანციური მომსახურების მოქნილობა, სისწრაფე და განსაკუთრებული აქცენტი მომხმარებელზე, საბანკო-საფინანსო ინდუსტრია მთელს მსოფლიოში დგას ამ გამოწვევების წინაშე. პროფესორი ანდრიუ მაქქართი არის დიზაინერი, კონსულტანტი და პედაგოგი. მისი აკადემიური განათლება მოიცავს ფილოსოფიას, პოლიტიკურ მეცნიერებებს, მეცნიერების ისტორიასა და მათემატიკას, ასევე ხელოვნებას და დიზაინს. ენდრიუ მაქქართი მსოფლიოს მრავალ ქვეყანაში მუშაობდა წამყვან ბრენდებთან არტ-დირექტორის და კრეატიული კონსულტანტის პოზიციაზე. მისი კლიენტები იყვნენ BBVA, Google Spain, Adidas, MTV Productions, Paramount, BP, Dimension Data, Loewe, MetroMadrid, AENA, GE Health Care, Ferrovial, and Scholastic და ბევრი სხვა, ცნობილი მსოფლიო ბრენდი. პროფესორი მაქქართი კონსულტაციებს უწევდა მულტინაციონალურ ორგანიზაციებს ინოვაციური პროცესების დანერგვის, design thinking-ის, სტატეგიული დაგეგმარებისა და მომხმარებელთა გამოცდილებაზე დაფუძნებული სერვისების დანერგვის კუთხით. მაქქართი არის მადრიდის Instituto de Empresa-ს ასოცირებული პროფესორი. ახლახანს ის IE School of Human Science and Technology-ის სამაგისტრო პროგრამის ხელმძღვანელი გახდა. პროგრამა მომხმარებელთა კმაყოფილების კვლევებს და სერვისებში ინოვაციების დანერგვას ეხება და ის 2017 წლის შემოდგომაზე დაიწყება.
(R)
ყირიმის ხიდი უკრაინის შეიარაღებული ძალების მიერ განხორციელებული დარტყმის შემდეგ ჩამოინგრა
კალაძე საცობებზე - გზების გაფართოებისა და ესტაკადების მშენებლობის ეფექტი დროებითია
კალაძე საცობებზე - უნდა გვესმოდეს ერთი მარტივი რამ, ქალაქის ქუჩების სივრცე უსასრულო არ არის
დეკანოიძე - საკონსტიტუციო სასამართლოს მოსამართლეები განსაკუთრებული აგრესიით, ფაქტების უგულებელყოფითა და აშკარა მიკერძოებით განიხილავენ მართლმსაჯულების რეფორმის ერთ-ერთ მნიშვნელოვან კომპონენტს
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



