ამერიკის შეერთებული შტატების პრეზიდენტის დონალდ ტრამპის განცხადებით, მისი ადმინისტრაცია აუცილებლად მოიგებს საიმიგრაციო პოლიტიკასთან დაკავშირებულ საქმეზე სამართლებრივ ბრძოლას, - ამის შესახებ BBC იუწყება.

ტრამპის თქმით, საუბარია ახალი განკარგულების გამოცემაზე, ვინაიდან ძველი საქმე ამჟამად სასამართლოში განიხილება. ამასთან, აშშ-ის პრეზიდენტის ინფორმაციით, ის ახალ განკარგულებას ხელს მომავალ კვირას მოაწერს. 

„ჩვენ ამ ბრძოლას მოვიგებთ. სამწუხაროა მხოლოდ ის ფაქტი, რომ ამას დრო მიაქვს. ბრძოლას მოვიგებთ. თუმცა ჩვენ სხვა არჩევანიც გვაქვს - გამოიცეს ახალი განკარგულება“ - განაცხადა დონალდ ტრამპმა. 

დონალდ ტრამპს შეუძლია საჩივარი უზენაეს სასამართლოშიც შეიტანოს, თუმცა ამერიკულ მედიაში გავრცელებული ინფორმაციით, ამ ეტაპზე, გასაჩივრება არ იგეგმება.

ამ ეტაპზე, უცნობია, რა შინაარსის იქნება პრეზიდენტის ახალი განკარგულება. როგორც დონალდ ტრამპმა აღნიშნა, ის ბრძანება „ცოტა განსხვავებული“ იქნება. 

ცნობისთვის, სააპელაციო სასამართლოს განცხადებით, პრეზიდენტის ადმინისტრაციამ ვერ წარმოადგინა იმის მტკიცებულება, რომ საიმიგრაციო განკარგულება ამერიკას ტერორიზმის საფრთხისგან დაიცავს.

შეგახსენებთ, რომ დონალდ ტრამპის გადაწყვეტილებით, შვიდი მუსლიმი ქვეყნის მოქალაქეებს ამერიკაში შესვლა 90 დღის განმავლობაში აეკრძალათ. ამ განკარგულებამ აეროპორტებში ქაოსი გამოიწვია, ვინაიდან ირანის, ერაყის, ლიბიის, სომალის, სუდანის, სირიისა და იემენის მოქალაქეებს ქვეყანაში შესვლის უფლებას არ აძლევდნენ. ამასთან, განკარგულების თანახმად, ამერიკის ტერიტორიაზე შესვლა სირიელ ლტოლვილებს გაურკვეველი ვადით აეკრძალათ. აღნიშნულ განკარგულებას, დონალდ ტრამპმა ხელი 28 იანვარს მოეწერა. აშშ-ის სახელმწიფო დეპარტამენტის ცნობით, პრეზიდენტის განკარგულების შემდეგ, ვიზა 60 000-მდე პირს გაუუქმდა. ტრამპის გადაწყვეტილებას მასობრივი საპროტესტო აქციები მოჰყვა

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

SOLO-ს განსაკუთრებული შეთავაზება ისთ ფოინთის დაბადების დღეს SOLO VISA ბარათის მფლობელებს

ახალი შეთავაზება TBC-ის პლატფორმაზე - დაიბრუნე ვაჭრობის საკომისიო და დასაჩუქრდი $500-მდე

აშშ-ის წარმომადგენელთა პალატამ დონალდ ტრამპ უმცროსის ქორწილის რუსი ოლიგარქ უმარ კრემლევის მიერ დაფინანსების გამოძიება დაიწყო

სააკაშვილი: საქართველო რუსეთთან არა მხოლოდ ტურიზმით, არამედ მთელი ეკონომიკით არის დაკავშირებული