2017-02-09 08:23:05, 2779 ნახვა
მსოფლიო
ბორის ჯონსონმა ამერიკის მოქალაქეობაზე უარი თქვა
დიდი ბრიტანეთის საგარეო საქმეთა მინისტრმა ბორის ჯონსონმა ამერიკის შეერთებული შტატების მოქალაქეობაზე უარი თქვა, - ამის შესახებ ინფორმაციას Reuters-ი აშშ-ის ფინანსტა სამინისტროს მონაცემებზე დაყრდნობით ავრცელებს.
მედიის ინფორმაციით, ბორის ჯონსონი 1964 წელს ნიუ-იორკში დაიბადა და ბრიტანეთის გარდა ამერიკის მოქალაქეც იყო. 2015 წელს მან ლონდონში გაყიდული სახლიდან გადასახადები ამერიკის ხაზინას გადაუხადა.
ამერიკის სახაზინო უწყება იმ ადამიანების სიას აღრიცხავს, ვინც ამერიკის მოქალაქეობაზე ან აშშ-ში ცხოვრების უფლებაზე უარს ამბობს.
თავად ჯონსონს კომენტარი მეორე მოქალაქეობაზე უარის თქმის შესახებ ჯერ არ გაუკეთებია.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
