აჭარის ჯანმრთელობისა და სოციალური დაცვის მინისტრმა ზაალ მიქელაძემ და საქართველოს პარლამენტის წევრმა ფარი ხალვაშმა ქობულეთის მუნიციპალიტეტის გამგეობის წარმომადგენლებთან ერთად დაბა ჩაქვში მცხოვრებ საუკუნის ქალბატონს იუბილე მიულოცეს.

აჭარის ჯანდაცვის სამინისტროს ცნობით, ანტისა ნორაკიძეს 100 წელი დღეს შეუსრულდა. მინისტრმა უხუცეს ქალბატონს საჩუქრად სმენის აპარატი და სამინისტროს პროგრამის ფარგლებში 1000 ლარი გადასცა.

ღვაწლმოსილი პედაგოგი 1917 წელს ზუგდიდში დაიბადა. პედაგოგიური განათლების მიღების შემდეგ წლების მანძილზე სოფელ ინგირის საბავშვო ბაღში მუშაობდა, ხოლო 1948 – 1978 წლებში დაბა ჩაქვის საბავშვო ბაღის გამგე იყო. მას სამსახურეობრივი მოღვაწეობის პერიოდში არაერთი ჯილდო და მადლობის სიგელი აქვს მიღებული. ჰყავს ერთი ქალიშვილი.

აჭარის ჯანმრთელობისა და სოციალური დაცვის სამინისტრო „100 წელს გადაცილებულ მოქალაქეებზე ერთჯერადი მატერიალური დახმარების“ პროგრამას 2004 წლიდან ახორციელებს. 2014 წლამდე თითოეულ მოქალაქეზე 500 ლარი გაიცემოდა, 2014 წელის შემდეგ თანხის ოდენობა გაიზარდა და 1000 ლარს შეადგენს. ამჟამად აჭარაში 100 წელს გადაცილებული 26 მოქალაქე ცხოვრობს, 9 მოქალაქეს 100 წელი 2017 წლის განმავლობაში შეუსრულდება. პროგრამით გათვალისწინებული თანხა 100 წელს გადაცილებულმა 26-მა მოქალაქემ უკვე. აჭარაში ყველაზე უხუცესი ფიქრიე ირემაძეა, მას 112 წელი ივლისში შეუსრულდება, ის ხულოს მუნიციპალიტეტის სოფელ ირემაძეების მკვიდრია.

ფოტორეპორტაჟი

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა