|
2017-02-02 16:05:11, 2154 ნახვა
ეკონომიკა
ლაშა ხუციშვილი: ფინანსთა სამინისტრო მზადაა დამატებული ღირებულების გადასახადით ავანსის დაბეგვრის ინსტრუქცია ბიზნესთან ერთად განიხილოს
დამატებული ღირებულების გადასახადით ავანსის დაბეგვრის ინსტრუქციის სამუშაო ვარიანტს დღეს ბიზნეს ასოციაციის წარმომადგენლები გაეცნენ. ფინანსთა მინისტრის მოადგილემ, ლაშა ხუციშვილმა მათ დეტალურად გააცნო ინსტრუქციის სამუშაო ვერსიაში მოცემული კრიტერიუმები და კონკრეტული მაგალითები. „როგორც ცნობილია, ფინანსთა სამინისტრომ შეიმუშავა დამატებული ღირებულების გადასახადით ავანსის დაბეგვრის ინსტრუქცია და აღნიშნული დოკუმენტი უკვე გამოქვეყნებულია ფინანსთა სამინისტროს შემოსავლების სამსახურის ვებგვერდზე. ინსტრუქციაში მოცემულია კონკრეტული კრიტერიუმები თუ რა შეიძლება ჩაითვალოს ავანსის თანხად, ასევე, მოცემულია კონკრეტული მაგალითები, იმისთვის, რომ უფრო მარტივად მოხდეს ბიზნესის მხრიდან აღნიშნული ინსტრუქციის გამოყენება. როგორც აღვნიშნეთ, ფინანსთა სამინისტრო ერთი კვირის ვადაში დაელოდება ბიზნესის მხრიდან გამოთქმულ მოსაზრებებსა და წინადადებებს, რათა მაქსიმალურად იყოს გათვალისწინებული მათი ინტერესები დოკუმენტის დამტკიცების დროს," - განაცხადა ლაშა ხუციშვილმა. სამშენებლო კომპანია „დაგის“ წარმომადგენლის გელა მღებრიშვილის თქმით, ეს არ არის პირველი შემთხვევა, როდესაც ბიზნესისთვის მნიშვნელოვანი დოკუმენტი წინასწარ იხილება. „შედგა ნაყოფიერი შეხვედრა. გავეცანით ინსტრუქციის პროექტს, ჩვენი მხრიდან გამოითქვა შენიშვნები და მოსაზრებები. შეხვედრა კითხვა-პასუხის რეჟიმში მიმდინარეობდა. კარგია, რომ ფინანსთა სამინისტროსთან ასეთი დიალოგის პრაქტიკა დაინერგა და ეს არ არის პირველი შემთხვევა, როდესაც ბიზნესისთვის მნიშვნელოვანი დოკუმენტი წინასწარ იხილება. ფინანსთა სამინისტრომ გამოთქვა მზაობა, გამოთქმული შენიშვნები აისახოს საბოლოო დოკუმენტში და გადამხდელებს საშუალება ექნებათ გამოიყენონ აღნიშნული ინსტრუქცია," - აღნიშნა გელა მღებრიშვილმა. დამატებული ღირებულების გადასახადით ავანსის დაბეგვრის ინსტრუქციის სამუშაო ვერსიის გასაცნობად, ფინანსთა სამინისტრო გააგრძელებს სხვადასხვა ბიზნესგაერთიანებაში შემავალი კომპანიების დირექტორებთან და ფინანსურ მენეჯერებთან შეხვედრებს. (NS)
ყირიმის ხიდი უკრაინის შეიარაღებული ძალების მიერ განხორციელებული დარტყმის შემდეგ ჩამოინგრა
კალაძე საცობებზე - გზების გაფართოებისა და ესტაკადების მშენებლობის ეფექტი დროებითია
კალაძე საცობებზე - უნდა გვესმოდეს ერთი მარტივი რამ, ქალაქის ქუჩების სივრცე უსასრულო არ არის
დეკანოიძე - საკონსტიტუციო სასამართლოს მოსამართლეები განსაკუთრებული აგრესიით, ფაქტების უგულებელყოფითა და აშკარა მიკერძოებით განიხილავენ მართლმსაჯულების რეფორმის ერთ-ერთ მნიშვნელოვან კომპონენტს
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



