|
2017-01-30 16:55:10, 2657 ნახვა
ეკონომიკა
გააფერადე კომუნიკაცია მონაცემებით
საქართველოში პირველად, მონაცემთა ვიზუალიზაციის ჰაკათონი გაიმართა. ტექნოპარკში შეკრებილ დაინტერესებულ პირებს შესაძლებლობა ჰქონდათ, გაერთიანებულიყვნენ გუნდებად და ორი დღის განმავლობაში მათთვის საინტერესო მონაცემების ვიზუალიზაციაზე ემუშავათ. ჰაკათონში მონაწილეობას იღებდნენ დიზაინერები, პროგრამისტები, კომუნიკაციის სპეციალისტები, მკვლევარები და სტატისტიკოსები, რომლებიც დაინტერესებული არიან მონაცემთა ვიზუალიზაციით. ისინი 3-6 კაციან გუნდებად გაერთიანდნენ და ორი დღის განმავლობაში ორგანიზატორების მიერ შეთავაზებულ, მათთვის საინტერესო მონაცემებზე მუშაობდნენ. ჰაკათონის მონაწილეებს მენტორობას უწევდნენ პროფესიონალები მონაცემების ანალიზის, კომუნიკაციისა და ვიზუალიზაციის სფეროდან. ჰაკათონი Jumpstart Georgia-ს, აშშ სახელმწიფო დეპარტამენტის პროგრამა FLEX-ის, საქართველოს ინოვაციებისა და ტექნოლოგიების სააგენტოსა (GITA) და თიბისი ბანკის მხარდაჭერით ჩატარდა. გამარჯვებული გუნდები სპეციალურად ჰაკათონისთვის დაკომპლექტებული ჟიურიმ გამოავლინა. თიბისი ბანკმა გამარჯვებულ 2 გუნდს (გამოცემა on.ge-ს გუნდი და საქართველოს რეგიონში მოქმედ დამოუკიდებელ მაუწყებელთა გაერთიანების გუნდი) ფულადი პრიზები გადასცა. "ჩვენთვის ინფორმაციის ვიზუალიზაცია ერთ-ერთი კრიტიკული მიმართულებაა, სწორედ ამიტომ გადავწყვიტეთ, მხარი დაგვეჭირა ამ პროექტისთვის. თიბისი ბანკი ძალიან ხშირად კლიენტებს, პარტნიორებს, ინვესტორებს თუ საზოგადოებას ელაპარაკება „ციფრების ენით". მონაცემების სწორი აღქმადობის ჩამოსაყალიბებლად მათი ვიზუალიზაცია ძალიან მნიშვნელოვანია. ვფიქრობ, რომ თუ ინფორმაციის გადაცემა მოხდება ვიზუალურად მაღალ დონეზე, ეს მონაცემებისა და ციფრების აღქმას გაამარტივებს და ყველასთვის ხელმისაწვდომს გახდის", - განაცხადა თიბისი ბანკის გენერალური დირექტორის მოადგილემ, ნიკა ქურდიანმა. მონაცემთა ვიზუალიზაციის ჰაკათონში მონაწილეობის სურვილი 250-მდე ადამიანმა გამოთქვა. საბოლოოდ 100 მონაწილე აპლიკაციების საფუძველზე შეირჩა. პროექტის ფარგლებში შედგა რამდენიმე მოსამზადებელი შეხვედრაც. ჰაკათონის შესახებ დეტალური ინფორმაციის მიღება შესაძლებელია ვებგვერდზე: https://vizhack.ge/ka/
(R)
ყირიმის ხიდი უკრაინის შეიარაღებული ძალების მიერ განხორციელებული დარტყმის შემდეგ ჩამოინგრა
კალაძე საცობებზე - გზების გაფართოებისა და ესტაკადების მშენებლობის ეფექტი დროებითია
კალაძე საცობებზე - უნდა გვესმოდეს ერთი მარტივი რამ, ქალაქის ქუჩების სივრცე უსასრულო არ არის
დეკანოიძე - საკონსტიტუციო სასამართლოს მოსამართლეები განსაკუთრებული აგრესიით, ფაქტების უგულებელყოფითა და აშკარა მიკერძოებით განიხილავენ მართლმსაჯულების რეფორმის ერთ-ერთ მნიშვნელოვან კომპონენტს
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



