აჭარის საზოგადოებრივი ჯანდაცვის ცენტრი მიმდინარე წელს დაავადებათა პრევენციისა და პროფილაქტიკის მიზნით ხუთ პროგრამას განახორციელებს. 

„ფარისებრი ჯირკვლის გამოკვლევა ორსულებში“ - პროგრამის ფარგლებში, აჭარის ავტონომიური რესპუბლიკის ტერიტორიაზე რეგისტრირებულ (0–200 000 მდე სარეიტინგო ქულის მქონე) 2000-მდე ორსულს, ჩაუტარდება - ენდოკრინოლოგის კონსულტაცია, ფარისებრი ჯირკვლის ულტრასონოგრაფიული და ჰორმონალური გამოკვლევა. 2017 წელს, პირველად, გამოკვლეულ ბენეფიციარებს პროფილაქტიკის მიზნით გადაეცემათ - აქტიური ნივთიერების კალიუმის იოდიდის შემცველი მედიკამენტი, ხოლო საჭიროების გათვალისწინებით, ბენეფიციარები  უზრუნველყოფილნი იქნებიან  აქტიური ნივთიერების - ლევოთიროქსინის შემცველი მედიკამენტის სამკურნალო დოზით. პროგრამის მიზანია ორსულებში ფარისებრი ჯირკვლის პათოლოგიების ადრეული გამოვლენა და მართვა. 2016 წელს, პროგრამის ფარგლებში მომსახურება გაეწია 1,702-მდე ბენეფიციარს.

სმენის სკრინინგი ჩაუტარდება - ქობულეთის,  ქედის, შუახევისა და ხულოს  მუნიციპალიტეტების ტერიტორიაზე არსებულ სამედიცინო დაწესებულებებში დაბადებულ ახალშობილებს. 2016 წელს პროგრამით ისარგებლა 651-მა ახალშობილმა.

ასევე, გრძელდება, კიბოსა და კიბოსწინა დაავადებების ადრეული დიაგნოსტიკა მაღალმთიანი აჭარის მოსახლეობაში - რაც ითვალისწინებს ექოსკოპიურ კვლევას, ონკოლოგის კონსულტაციას, ონკომარკერებით გამოკვლევას, PAP ტესტს, დიაგნოზის დაზუსტების მიზნით დამატებით 3 სპეციალისტის კონსულტაციას. პროგრამის ფარგლებში, 2016 წელს მომსახურება გაეწია 1635 ბენეფიციარს.

„მოსახლეობის ავადობის აქტიური გამოვლენა სამიზნე ჯგუფში“ - პროგრამის ფარგლებში  რეგიონის  საჯარო და კერძო სკოლების პირველი - მერვე კლასის მოსწავლეებსა და  საბავშვო ბაღების აღსაზრდელებს ჩაუტარდებათ პროფილაქტიკური შემოწმება - სკრინინგი 4 ექიმ - სპეციალისტის მონაწილეობით, საბავშვო ბაღების აღსაზრდელებს ჰელმინთებზე ლაბორატორიული გამოკვლევა. პირველადი დიაგნოზის დაზუსტების მიზნით საჭიროების შემთხვევაში ჩატარდება ინსტრუმენტულ - ლაბორატორიული გამოკვლევა და სკრინინგის შემდგომი კონსულტაცია. 2016 წელს მომსახურებით ისარგებლა 42 944 - მა ბენეფიციარმა.

C ჰეპატიტის ელიმინაციის სახელმწიფო პროგრამის ფარგლებში საზოგადოებრივი ჯანდაცვის ცენტრის მიერ განხორციელდება სახელმწიფო პროგრამის ბენეფიციარებისთვის  მკურნალობაში   ჩართვამდე აუცილებელი გამოკვლევებისა და მკურნალობის პროცესის მონიტორინგისათვის აუცილებელი კვლევების თანაგადახდის უზრუნველყოფა. 2016 წლისათვის მომსახურებით 1075 - მა ბენეფიციარმა ისარგებლა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა ლიეტუვას მოსთხოვა, ევროკავშირის სანქციების გვერდის ავლის მიზნით, ბელარუსული კალიუმის ექსპორტისთვის პორტი გაეხსნა

სოციალური სამართლიანობის ცენტრი - საარსებო შემწეობის მიმღებთა რაოდენობის მკვეთრი კლება არაერთ კითხვას აჩენს

კობახიძე აზარტული თამაშების საერთაშორისო ტურნირთან დაკავშირებულ კანონზე - ეს არ არის განსაკუთრებული მნიშვნელობის მქონე კანონპროექტი

რუსეთის მიერ ოკუპირებული ოლეშკადან ხალხის ევაკუაცია დაიწყო