თავდაცვის ყოფილი მინისტრი თინა ხიდაშელი ე.წ კაბელების საქმესთან დაკავშირებით სააპელაციო სასამართლოს გადაწყვეტილებას გამოეხმაურა და ბრალდებულების 2 თვეში გათავისუფლება დადებითად შეაფასა.

როგორც ხიდაშილი Facebook-ის საკუთარ გვერდზე წერს, სასამართლოს გადაწყვეტილებას როგორც კარგი, ასევე ცუდი მხარეებიც აქვს.

"კარგია რომ კაბელების საქმის ბრალდებულები საპატიმროს 2 თვეში დატოვებენ!

ცუდია: (1) სასამართლომ ნამუსი მოწმინდა პროკურატურას. ვერ გაბედა გამამართლებელი განაჩენი და ფორმული პროცედურით თავიდან აიცილა ხანგრძლივი პატიმრობა;

(2) სასამართლომ კიდევ ერთხელ უარი თქვა კანონის დაცვაზე. 332-ე მუხლისთვის აუცილებელი, სავალდებულო პირობაა "თავისთვის ან სხვისთვის რაიმე გამორჩენის ან უპირატესობის მისაღებად". ამ უმთავრესი პირობის დადასტურება ვერც ერთ ეტაპზე ვერ შეძლო სასამართლომ. მიუხედავად ამის, მაინც გამამტყუნებელი განაჩენი გამოიტანა.

(3) მითვისებას და გაფლანგვას, სამსახურებრივი უფლებამოსილების ბოროტად გამოყენებით თუ შეცვლი ეს არ შველის მოსამართლეს იმ შემთხვევაში თუ გამორჩენა არ არის დადასტურებული. მაინც სჭირდება ამის უტყუარად დამტკიცება ბრალდებას

(4) არადა როგორ ჭირდება ჩვენს სასამართლოს მცირედი გამბედაობა, რომ თავი დაიმკვიდროს, წელში გაიმართოს, ფუნქცია შეასრულოს. სამწუხაროა. ძალიან სამწუხარო", - წერს ხიდაშელი.

შეგახსენებთ, რომ სააპელაციო სასამართლომ ე.წ. კაბელების საქმეზე თბილისის საქალაქო სასამართლოს გადაწყვეტილება შეცვალა, თუმცა თავდაცვის ყოფილი მაღალჩინოსნების მიმართ გამამამართლებელი  განაჩენი არ გამოიტანა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანა წითლიძე თინა ბოკუჩავაზე - როდესაც ზღვაზე დასვენება უფრო დიდი პრიორიტეტია, ვიდრე პოლიტიკური პატიმრები, ბევრ რამეზე მეტყველებს

სამედიცინო სფეროს წარმომადგენლები გიორგი ჩახუნაშვილს საპროცესო შეთანხმების დადებას თხოვენ

ესპანეთის ქალაქ სეუტაში მიგრანტების შეჭრის შედეგად დაღუპულთა რიცხვი 67-მდე გაიზარდა

კობახიძე კორუფციულ დანაშაულებზე - ყველა უმკაცრესად აგებს პასუხს