აჭარის ტურიზმის დეპარტამენტში განთავასების ობიექტებისა და ტურისტული სააგენტოების წარმომადგენლებს მასტერკლასი ჩაუტარდათ.

აჭარის ტურიზმისა და კურორტების დეპარტმანეტის ინფორმაციით, ბელარუსული საერთაშორისო ტურისტული კომპანიის „ინჯეოტურის” დამფუძნებელმა ეკატერინა ნიკოლაევამ თავისი გამოცდილება ქართველ კოლეგებსა და პოტენციურ პარტნიორებს დღეს გაუზიარა.

მათივე ინფორმაციით, რამდენიმე საათიანი მასტერკლასისას მან განთავსების ობიექტებისა და ტურისტული სააგენტოების წარმომადგენლებთან ურთიერთანამშრომლობის მნიშვნელობაზე ისაუბრა.

შეხვედრისას განსაკუთრებული ყურადღება სასტუმროებისა და სააგენტოების მიერ ერთობლივი ტურპაკეტების შექმნის, ერთობლივი ღონისძიებების დაგეგმვისა და მათი ეფექტურად განხორციელების მნიშვნელობაზე შეჩერდა.

„მსგავსი ტიპის შეხვედრები მნიშვნელოვანია ჩვენი ტურისტული სექტორისთვის. რეგიონში ტურისტების მოზიდვის კუთხით განსაკუთრებით აუცილებელია განთავსების ობიექტებმა და ტურისტულმა სააგენტოებმა ჩვენს პოტენციურ ტურისტებს ერთობლივი ტურისტული პაკეტები შესთავაზონ. ამ მხრივ „ინჯეოტურს“ კარგი გამოცდილება აქვს, რაც დაეხმარება ჩვენს სააგენტოებსა და სასტუმროებს სამომავლო ურთიერთანამშრომლობის პროექტების დაგეგმვასა და განხორციელებაში,“ განაცხადა აჭარის ტურიზმის დეპარტამენტის სერვისების განვითარების განყოფილების უფროსმა თამარ კაიკაციშვილმა.

ტურისტული კომპანია "ინჯეოტური" ბელარუსის ერთ-ერთი უმსხვილესი ტურისტული კომპანიის "ვენტო ტურის" შვილობილი კომპანიაა.

საქართველოში ბელარუსი ტურისტების მოზიდვის მიზნით კომპანია 2015 წლიდან აქტიურად მუშაობს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა ლიეტუვას მოსთხოვა, ევროკავშირის სანქციების გვერდის ავლის მიზნით, ბელარუსული კალიუმის ექსპორტისთვის პორტი გაეხსნა

სოციალური სამართლიანობის ცენტრი - საარსებო შემწეობის მიმღებთა რაოდენობის მკვეთრი კლება არაერთ კითხვას აჩენს

კობახიძე აზარტული თამაშების საერთაშორისო ტურნირთან დაკავშირებულ კანონზე - ეს არ არის განსაკუთრებული მნიშვნელობის მქონე კანონპროექტი

რუსეთის მიერ ოკუპირებული ოლეშკადან ხალხის ევაკუაცია დაიწყო