"საქართველოს ეროვნული ბანკის დღევანდელი განცხადება ადასტურებს იმას, რასაც 2017 წლის სახელმწიფო ბიუჯეტისა და გადასახადების ზრდის შესახებ ვამბობდით და რასაც საქართველოს მოქალაქეთა აბსოლუტური უმრავლესობა საკუთარ ჯიბეზე გრძნობს", - ამის შესახებ "ევროპული საქართველოს წევრმა ზურაბ შიაბერაშვილმა დღეს გამართულ ბრიფინგზე განაცხადა.

როგორც ჭიაბერაშვილმა აღნიშნა, საქართველოში შექმნილი ეკონომიკური კრიზისი საერთშორისო რეიტინგებზე უკვე აისახა. 

"ერობნულლი ბანკის დღევანდელ განცხადებაში წერია, რომ „2017 წელს ინფლაცია ძირითადად მიზნობრივ მაჩვენებელზე ზემოთ იქნება. ...აღსანიშნავია სამომხმარებლო ფასებზე აქციზის ზრდისა და გაცვლითი კურსის ცვლილების გავლენა.“ ინფლაციური მოლოდინების მოსათოკად, ეროვნული ბანკი მიზანშეწონილად მიიჩნევს მომდევნო ორი კვარტალის განმავლობაში რეფინანსირების განაკვეთის ეტაპობრივად გაზრდას 7%-მდე. ანუ რა მივიღეთ ბიძინა ივანიშვილის მთავრობის უგუნური და მავნებლური ეკონომიკური პოლიტიკის შედეგად:

-    მთავრობამ გაზარდა გადასახადები, აქციზი და, შესაბამისად, გაძვირდა ბენზინი, დიზელი, გაზი;
-    ამ ნაბიჯმა დააჩქარა ფასების ზრდა ფართო მოხმარების საგნებზე, როგორიცაა პროდუქტი, მედიკამენტი, რაც ისედაც ძვირდებოდა ლარის დევალვაციის ფონზე;
-    ფასების ზრდა რომ შეანელოს, ეროვნული ბანკი აფერხებს ეკონომიკაში ფულის შედინებას, რაც კიდევ უფრო შეანელებს ეკონომიკურ ზრდას;
-    დაბალი ეკონომიკური ზრდა კიდევ უფრო გააუარესებს სოციალურ და ეკონომიკურ ფონს და გაზრდის უმუშევრობას; ხალხის გაღარიბება გაგრძელდება.

„ბლუმბერგის“ გლობალური რისკების რეიტინგში საქართველო ინვესტიციებისათვის ყველაზე სარისკო ქვეყნების ჯგუფში აღმოჩნდა, რაც, ერთი მხრივ, ივანიშვილის მთავრობის უგუნური და მავნებლური ეკონომიკური პოლიტიკის შედეგია, მეორე მხრივ კი, ინვესტიციების კლების შემდგომი მიზეზი შეიძლება გახდეს", - განაცხადა პოლიტიკოსმა.

მისივე შეფასებით, ხელისუფლებამ გადასახადები უნდა შეამციროს, რაც ეკონომიკური კრიზისის დროს აუცილებლად გადასადგმელი ნაბიჯებია.

"„ქართული ოცნების“ ხელისუფლება ჯიუტად უარს ამბობს გადასახადების შემცირებასა და საბიუჯეტო ხარჯების ფლანგვის პრაქტიკის დასრულებაზე, რაც ასეთი ეკონომიკური კრიზისის დროს აუცილებლად გადასადგმელი ნაბიჯებია", - აღნიშნა ჭიაბერაშვილმა. 

ცნობისთვის, საქართველო Bloomberg-ის რეიტინგის თანახმად, ინვესტორებისთვის უფრო რისკის შემცველი ქვეყნაა, ვიდრე ამ რეგიონის ის ქვეყნები, რომლებიც ამ ინდექსში მოხვდნენ

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოცნების 14-მა ე.წ დეპუტატმა ტელეფონის სქროლისას ვერ შეამჩნიეს, როგორ დაუჭირეს მხარი გახარიას პარტიის ინიციატივას

მოზარდი, რომელსაც მკვლელობისთვის წარდგენილი ბრალი შეუმსუბუქდა, პატიმრობიდან გაათავისუფლეს

რუსმა ბლოგერმა და ტელეწამყვანმა ანასტასია ივლეევამ, საქართველოს ოკუპაციის შესახებ კანონი დაარღვია

ლუკაშენკომ ამერიკელებთან უარყო ბრალდებები ბელარუსში რეპრესიების გაგრძელების შესახებ