„ჩვენ ვერ შევეგუებით  იდეას, რომელიც გვთავაზობს, რომ „საქართველო ხომ პატარა სოფელია, დიდ მოთამაშეებს შორის ნუ გავირბენთ“, ეს იდეოლოგია ჩვენთვის მიუღებელია“,-ამის შესახებ „ნაციონალური მოძრაობის“ წევრმა პეტრე ცისკარიშვილმა პარტიის  მეშვიდე ყრილობაზე სიტყვით გამოსვლისას განაცხადა.

როგორც ცისკარიშვილმა აღნიშნა, „მსგავსი იდელოგია“ „ნაციონალური მოძრაობის“ ღირებულებათა სისტემაში არ ჯდება.

 „თითოეული თქვენგანი, თითოეული ჩვენგანი  მოწადინებული ვართ იმისთვის, ვამაყობდეთ ჩვენი ქვეყნით, ვამაყობდეთ  საქართველოს მოქალაქეობით. ჩვენ თავაწეული უნდა დავდიოდეთ ჩვენს რეგიონში და ნებისმიერ კონტინენტზეც. სიტყვები I am From Georgia  საამაყო უნდა იყოს თითოეული ჩვენგანისთვის. სწორედ ამ ღირებულებების გარჩემო გავერთიანდით. ამიტომ როდესაც დაისვა მთავარი შეკითხვა ვინ არის „ნაციონალური მოძრაობა“ ან რა არის „ნაციონალური მოძრაობა“ თქვენ ამას გაეცით ძალიან მკაფიო პაუხი და თქვით მთავარი სათქმელი.  „ნაციონალური მოძრაობა“  ეს მე ვარ“.

ჩვენი პოლიტიკური პარტიული ცხოვრების  ამ ახალ  ეტაპზე, რომელიც დღეიდან იწყება, ჩვენ უნდა ავაგოთ ორმხრივი მოძრაობის  გზა. ერთის მხრივ, ის იდეალები და ღირებულებები, რაზეც ჩვენ ვსაუბრობთ უნდა მივიტანოთ ჩვენს თანამოქალაქეებამდე, მეორეს მხრივ ფართოდ გაღებულ კარებში  უნდა მოვიწვიოთ და მოვიპატიჟოთ  ახალი ადამიანები, ახალი ინიციატივებით, ახალი იდეებით, რომ კიდევ უფრო მრავალფეროვანი  და კიდევ უფრო ძლიერი გახდეს ჩვენი პოლიტიკური ორგანიზაცია.  სწორედ ასე შევძლებთ უიმედობის  და უძრაობის დამარხცებას“,-განაცხადა პეტრე ცისკარიშვილმა.

შეგახსენებთ, სპორტის სასახლეში „ნაციონალური მოძრაობის“ რიგით მეშვიდე ყრილობა მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

14-მა ოცნების ე.წ დეპუტატმა ტელეფონის სქროლისას ვერ შეამჩნიეს, როგორ დაუჭირეს მხარი გახარიას პარტიის ინიციატივას

მოზარდი, რომელსაც მკვლელობისთვის წარდგენილი ბრალი შეუმსუბუქდა, პატიმრობიდან გაათავისუფლეს

რუსმა ბლოგერმა და ტელეწამყვანმა ანასტასია ივლეევამ, საქართველოს ოკუპაციის შესახებ კანონი დაარღვია

ლუკაშენკომ ამერიკელებთან უარყო ბრალდებები ბელარუსში რეპრესიების გაგრძელების შესახებ