|
2017-01-17 16:19:04, 2418 ნახვა
ეკონომიკა
ადამიანური რესურსების მართვის ელექტრონული სისტემა (eHRMS) 297 სახელმწიფო უწყებაში დაინერგა
ადამიანური რესურსების მართვის ელექტრონული სისტემა (eHRMS) 297 სახელმწიფო უწყებაში დაინერგა. როგორც „ექსპრესნიუსს“ ფინანსთა სამინისტროდან აცნობეს, ელექტრონული მმართველობის (e-Governance) პოლიტიკის, კონცეფციების შემუშავება და განვითარება ქვეყნის პრიორიტეტული ამოცანაა, რომლის ერთ-ერთი შემადგენელი კომპონენტი ადამიანური რესურსების მართვის ელექტრონული სისტემების შექმნა და დანერგვაა, რაშიც მნიშვნელოვანი წვლილი შეაქვს ფინანსთა სამინისტროს სსიპ საფინანსო-ანალიტიკურ სამსახურს. სამსახურის მიერ შემუშავებული პროგრამული უზრუნველყოფის პროდუქტი „ადამიანური რესურსების მართვის ელექტრონული სისტემა“ (eHRMS) უკვე დაინერგა 297 სახელმწიფო უწყებაში, მათ შორის: საქართველოს მთავრობის ადმინისტრაციაში, საქართველოს პრეზიდენტის ადმინისტრაციაში, სამინისტროებსა და მათში შემავალ უწყებებში (სსიპ, ააიპ, საქვეუწყებო დაწესებულება) დამოუკიდებელ სსიპ-ებში, სასამართლოებში, საქართველოს ტერიტორიული ერთეულების ადმინისტრაციებში, მუნიციპალიტეტების გამგეობებსა და საკრებულოებში, თვითმმართველ ქალაქებში, აჭარისა და აფხაზეთის ავტონომიური რესპუბლიკების სხვადასხვა უწყებაში. აღსანიშნავია, რომ ბოლო ორი (2015-2016) წლის განმავლობაში სისტემა დაინერგა 263 სახელმწიფო უწყებაში. ელექტრონული სისტემის დანერგვას წინ უძღოდა აღნიშნული დაწესებულებების ადამიანური რესურსების მართვის სპეციალისტების ტრენინგები და კონსულტაციები. ადამიანური რესურსების მართვის ელექტრონული სისტემა წარმოადგენს ქვეყნის მასშტაბით საჯარო დაწესებულებებში დასაქმებული პერსონალის მონაცემთა ერთიან ბაზას. მისი მიზანია, საჯარო სტრუქტურებში ადამიანური რესურსების ელექტრონული მართვის ფუნქციის გაძლიერება და განვითარება. სისტემა მოიცავს შემდეგ ფუნქციებს: სტრუქტურისა და საშტატო ერთეულების მართვა; სტატისტიკური ინფორმაციის გენერაცია; პერსონალის შესახებ სრულყოფილი, მუდმივად განახლებული ელექტრონული მონაცემების არსებობა; სამუშაოს აღწერილობა; პერსონალის დასწრების აღრიცხვა; პერსონალის ხელფასის უწყისის რეესტრი; პერსონალის მივლინებების რეესტრი; ძებნისა და ანგარიშგების მძლავრი მექანიზმი; ავტომატური შეტყობინებების გენერირების ფუნქციონალი; პერსონალის მონაცემების არქივირება; კლასიფიკატორთა მართვა. სისტემის გამოყენებით ხორციელდება ზოგადი მენეჯმენტის ხარისხის გაუმჯობესება საქართველოს საჯარო დაწესებულებებში, საკადრო საქმიანობის შესრულებაზე დახარჯული დროის, ადამიანური, ფინანსური და მატერიალური რესურსების ეკონომია, მუშაობის ხარისხის ზრდა, მენეჯმენტის სწორი გადაწყვეტილებების დროული მიღების პროცესის ოპტიმიზაცია, რაც მომხმარებელს პერსონალის საკადრო პროცესების მარტივად და ეფექტიანად მართვის საშუალებას აძლევს. სახელმწიფო უწყებებში სსიპ საფინანსო-ანალიტიკური სამსახურის ადამიანური რესურსების მართვის ელექტრონული სისტემის დანერგვა წელსაც გაგრძელდება.
(NS)
ყირიმის ხიდი უკრაინის შეიარაღებული ძალების მიერ განხორციელებული დარტყმის შემდეგ ჩამოინგრა
კალაძე საცობებზე - გზების გაფართოებისა და ესტაკადების მშენებლობის ეფექტი დროებითია
კალაძე საცობებზე - უნდა გვესმოდეს ერთი მარტივი რამ, ქალაქის ქუჩების სივრცე უსასრულო არ არის
დეკანოიძე - საკონსტიტუციო სასამართლოს მოსამართლეები განსაკუთრებული აგრესიით, ფაქტების უგულებელყოფითა და აშკარა მიკერძოებით განიხილავენ მართლმსაჯულების რეფორმის ერთ-ერთ მნიშვნელოვან კომპონენტს
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



