პრეზიდენტის მრჩეველი ეკონომიკურ საკითხებში მაია მელიქიძე აცხადებს, რომ ეროვნული ბანკის პრეზიდენტი კობა გვენეტაძე საფინანსო სექტორის წარმომადგენლებთან შეხვედრებს მომავალი კვირიდან დაიწყებს.

მელიქიძის თქმით, „ონლაინ სესხების, მიკროსაფინანსო ორგანიზაციებისა და ბანკების რეგულაციების შესახებ“ კანონი ძალაში პრეზიდენტის ხელმოწერის შემდეგ შევიდა.

მისივე განმარტებით, პრეზიდენტის ადმინისტრაციას კობა გვენეტაძესთან აქტიური კონსულტაციები ჰქონდა და სებ-ის პრეზიდენტი ყველა ძირითად შენიშვნას მიკროსაფინანსო ორგანიზაციებთან დაკავშირებით, გაითვალისწინებს.

„კანონმდებლობა ითვალისწინებს ორ მიმართულებას, როდესაც პრეზიდენტის ადმინისტრაციაში შემოდის კანონპროექტი და მას ორი გზა აქვს - ერთი არის მოტივირებული შენიშვნები, ანუ ვეტო და მეორე, ეს არის ხელმოწერა. ამ ეტაპზე პრეზიდენტმა აირჩია ხელმოწერა, რადგან თვლის, რომ ვეტოს დადება ქვეყნის ეკონომიკურ მდგომარეობას არ წაადგება.  ჩვენ გვაქვს შეთანხმება მარეგულირებელ ინსტიტუტთან, რომელიც ვალდებულია ხარვეზები აღმოფხვრას. ვეტოს შემთხვევაში ლარიზაციის პროცესი უფრო გვიან დაიწყებოდა. ჩვენ ვთვლით, რომ ხარვეზები უნდა მივაწოდოთ სებ-ს, რათა გამოსწორდეს. ეს პროცესი რაც შეიძლება მალე უნდა დაიწყოს, იმისათვის, რომ მოსახლეობა არ დაზარალდეს“, - განაცხადა მაია მელიქიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლუკაშენკომ ამერიკელებთან უარყო ბრალდებები ბელარუსში რეპრესიების გაგრძელების შესახებ

რუსი ჯარისკაცების მიერ უკრაინული სოფლების აღების ათობით ვიდეო ხელოვნური ინტელექტის მიერ შექმნილი აღმოჩნდა

პარლამენტმა დავით მამისეიშვილი უზენაესი სასამართლოს უვადო მოსამართლედ აირჩია.

გახარია: ივანიშვილის რეჟიმმა პარლამენტში ერთ ოპოზიციურ პარტიასაც კი ვერ აიტანა