კახა კალაძე: „გაზპრომისგან“ ქართულმა მხარემ საინტერესო წინადადება მიიღო

2017-01-11 08:28:21, 2575 ნახვა

პოლიტიკა ეკონომიკა საზოგადოება

ენერგეთის მინისტრ კახი კალაძის განცხადებით, "გაზპრომმა" საქართველოს ახალი პირობები შესთავაზა, - ამის შესახებ მინისტრმა ჟურნალისტებს მინსკიდან დაბრუნების შემდეგ განუცხადა.

როგორც კალაძემ აღნიშნა, საუბარი ძირითადად "გაზპრომისგან" სომხეთისთვის მიწოდებული ბუნებრივი აირის ტრანზიტის 10 პროცენტის სანაცვლოდ ფინანსურ ანაზღაურებაზე გადასვლას შეეხებოდა. ამასთან, მინისტრმა კონტრაქტის პირობებზე არ ისაუბრა.

„საინტერესო წინადადება იქნა გაჟღერებული გაზპრომის მხრიდან, ეს წინადადება არის ბოლო. ძირითადი საუბარი იყო ფინანსურ ანაზღაურებაზე გადასვლასთან დაკავშირებით, თუმცა წინა შეხვედრებზე იმდენად შორს და განსხვავებული იყო ჩვენი პოზიციები ერთმანეთისგან, რომ საერთოდ საუბარს აზრი არ ჰქონდა, თუმცა დღევანდელი შემოთავაზება საინტერესოა და ამაზე ვიმსჯელებთ“, - განაცხადა კახა კალაძემ.

ცნობისთვის, გადაწყვეტილებას შემოთავაზებულ წინადადებაზე დღეს მთავრობის სხდომაზე მიიღებენ და დეტალებიც ამის შემდეგ გახდება ცნობილი.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან