კახი კალაძე დღეს „გაზპრომ-ექსპორტის” ხელმძღვანელობას შეხვდება

2017-01-10 09:00:43, 2592 ნახვა

ეკონომიკა საზოგადოება

საქართველოს ენერგეტიკის მინისტრი, ვიცე-პრემიერი კახი კალაძე დღეს ქალაქ მინკსში, სამუშაო ვიზიტის ფარგლებში,„გაზპრომ-ექსპორტის“ ხელმძღვანელობას შეხვდება, - ამის შესახებ "ექსპრესნიუსს" უწყებიდან აცნობეს.

უწყების ცნობით, კომპანია „გაზპრომ-ექსპორტთან" მორიგი სამუშაო შეხვედრა რუსეთიდან სომხეთის მიმართულებით ბუნებრივი აირის ტრანზიტის საკითხთან დაკავშირებით გაიმართება.

ცნობისთვის, სომხეთში გაზის ტრანზიტის სანაცვლოდ, ქართული მხარე კომპანიისგან გატარებული ბუნებრივი აირის მთლიანი მოცულობის 10%-ს იღებს. შესაბამისი ხელშეკრულება ერთწლიანია და მის განახლებასთან დაკავშირებით მოლაპარაკებები მიმდინარეობს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან