„მიუხედავად იმისა, რომ უფლება გვაქვს, გავასაჩივროთ ეს გადაწყვეტილება, არ ვაპირებთ გასაჩივრებას და რა თქმა უნდა, დავუდასტურებთ მათ საინვესტიციო ვალდებულებების შესრულებას“ - ამის შესახებ ვიცე-პრემიერმა გიორგი კვირიკაშვილმა ჟურნალისტების შეკითხვის საპასუხოდ განაცხადა.

მედიის წარმომადგენლები დაინტერესდნენ, თუ რას აპირებს ეკონომიკისა და მდგრადი განვითარების სამინისტრო თბილისის სააპელაციო სასამართლოს მიერ აგრარულ უნივერსიტეტსა და ეკონომიკის სამინისტროს შორის მიმდინარე პროცესის თაობაზე დღეს გამოტანილ გადაწყვეტილებაზე.

„აქამდე რაც იყო, იმაზეც მინდა მცირე განმარტება გავაკეთო: არსებობდა გამოძიების მხრიდან წამოსული შეკითხვები შესრულებულ ვალდებულებებზე. ეს შეკითხვები იყო ლეგიტიმური, იმ წინასწარი ინფორმაციიდან გამომდინარე, რაც არსებობდა ხარჯებთან დაკავშირებით. ამ შეკითხვებს  გაეცა პასუხი, შესაბამისად, მე პირადად ვერ ვხედავ  საფუძველს იმისთვის, რომ გავასაჩივროთ სააპელაციო სასამართლოს გადაწყვეტილება“ - განაცხადა საქართველოს ეკონომიკისა და მდგრადი განვითარების მინისტრმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა