განათლებისა და მეცნიერების მინისტრი თამარ სანიკიძე "ნაციონალური მოძრაობის" ინიციატივას ეწინააღმდეგება, რომლის თანახმადაც ბავშვებს, რომლებსაც დეკემბრამდე 6 წელი უსრულდებათ, სკოლაში შესვლის უფლება უნდა მიენიჭოთ.

სანიკიძემ ამის შესახებ ჟურნალისტებს მთავრობის სხდომის დასრულების შემდეგ განუცხადა.

მისივე თქმით, საქართველოში ინერგება სასკოლო მზაობის პროგრამები, რომელიც მინისტრის მტკიცებით, სკოლებში სწავლის ხარისხის ამაღლებას ხელს შეუწყობს.

"ამ თემას საჭირო პასუხისმგებლობით არ ეკიდებიან. სხვა შემთვევაში ასეთი ინიციატივა არ უნდა დამდგარიყო დღის წესრიგში. თუ შეკითხვა ისმევა იმის ირგვლივ, რა უნდა გავაკეთოთ ვისაც 5 წლის შვილი გვყავს, რომელსაც არ უწევს წელს სკოლაში მისვლა, ამის პასუხი არის მარტივი - როგორც იქნა საქართველოში ინერგება წინა სასკოლო მზაობის პროგრამები, რომელიც ამ  პრობლემის გადაჭრის გზაა.ეს არის მსოფლიოში აპრობირებული მიდგომა. ეს გახდება მომავალში აუცილებელი და ამისთვის ჩვენ სასკოლო მზაობის ხარისხს ნამდვილად ავწევთ. ჩვენს მოსწავლეებს სკოლაში ექნებათ უკეთესი შედეგები. ყველაფერი მზად არის იმისათვის, რომ წინა სასკოლო მზაობა დაინერგოს, განხორციელდეს ნაწილობრივ ბაღების, ნაწილობრივ სკოლების ბაზებზე, ამიტომ ვერანაირ საჭიროებას ვერ ვხედავ თუნდაც იმ ერთ კვირიანი, ორ თვიანი  თუ 3 თვიანი გამონაკლისების დაწესებაზე. გამონაკლისის დაწესება ზოგადად არ არის მიზანშეწონილი",- აღნიშნა სანიკიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა