საგარეო საქმეთა მინისტრის მიხეილ ჯანელიძის განცხადებით, მას შემდეგ, რაც აღინიშნა, რომ საქართველომ ვიზალიბერალიზაციის სამოქმედო გეგმით გათვალისწინებული ყველა ვალდებულება შეასრულა, არანაირი დამატებითი კითხვა არ გაჩენილა, რომელიც ამ პროცესს შეაფერხებდა.

ამის შესახებ ჯანელიძემ ჟურნალისტის კითხვაზე საპასუხოდ განაცხადა, თუ რამდენად ხშირად იყო ბარიერი ვიზალიბერალიზაციის პროცესში საქართველოში არსებული მედია გარემო.

როგორც მინისტრმა აღნიშნა, საქართველოს მთავრობის პრიორიტეტი მედიის თავისუფლებაა და საერთაშორისო პარტნიორები განსაკუთრებით ხაზს უსვამდნენ იმ შედეგს, რაც საქართველოს მედია თავისუფლების კუთხით აქვს მიღწეული.

„უვიზო მიმოსვლის საკითხზე ხაზგასმით აღვნიშნავ, რომ მთელი წლის განმავლობაში, რაც დაიდო რეკომენდაცია, რომ საქართველომ შეასრულა ყველა ვალდებულება, მას შემდეგ, საქართველოსთან დაკავშირებით არანაირი დამატებითი შეკითხვა არ ყოფილა. კრიმინალთან ბრძოლის კუთხით იყო გარკვეული კითხვების ორმხრივ  შეხვედრებზე, მაგრამ ეს საკითხი სწრაფად მოიხსნა დღის წესრიგიდან ჩვენი ქმედებით. რაც შეეხება მედია თავისუფლებას, გიდასტურებთ, რომ საქართველოს მთავრობის პრიორიტეტი მედია თავისუფლებაა. მთელი მიდგომა იყო ის, რომ უზრუნველყოფილი ყოფილიყო მედია თავისუფლება, მათ შორის „რუსთავი 2“-ის, რომელიც თავისუფლად ურთიერთობს მთავრობის წევრებთან. პარტნიორები განსაკუთრებულად ხაზს უსვამდნენ იმ შედეგს, რაც გვაქვს მიღწეული მედია თავისუფლების კუთხით. რაც შეეხება „რუსთავი 2“-ს, საერთაშორისო საზოგადოებამ, ისევე როგორც საქართველოს საზოგადოებამ, კარგად იცის, რომ ესაა სასამართლო პროცესი, რომელიც სხვადასხვა კომპონენტს მოიცავს. ყველა ერთად ვაკვირდებით სასამართლო პროცესს, რომელმაც უნდა მიიღოს სამართლებრივი გადაწყვეტილება სამართლებრივ დავასთან დაკავშირებით“, - განაცხადა მიხეილ ჯანელიძემ.

მისივე თქმით, ვერ დაეთანხმება მოსაზრებას, რომ სასამართლოს გადაწყვეტილებებზე იქნება ქვეყნის მედია პლურალიზმის ბედი დამოკიდებული.

„ეს იქნება დამოკიდებული იმ შემთხვევაში, თუ მოხდება უხეში ჩარევა სარედაქციო პოლიტიკაში, რისი ნიშანიც არ არის. არანაირი სურვილი ამის საქართველოს მთავრობას არ გააჩნია. ჩვენ დღეს თავისუფალი მედია გარემო დავამკვიდრეთ“, - განაცხადა საგარეო საქმეთა მინისტრმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ უკრაინას 500 პატრიოტის ტიპის რაკეტას გადასცემს.

რუსული ტანკერები აშშ-ისკენ მიემართებიან, თუმცა კომპანიები გამოძიების შიშით, უარს ამბობენ საწვავის შეძენაზე, თუნდაც ფასდაკლებით

ტრამპი: მე არ დამიწყია ომი ირანთან, მათ დაიწყეს ჩვენთან ომი

საქართველოს ბანკის YouTube პროექტის - CREATOR-ის მეორე სეზონი იწყება