|
2016-12-27 12:30:58, 2183 ნახვა
ეკონომიკა
წარმატების ერთი წელი
პირველი ობიექტი 2015 წლის 17 დეკემბერს გაგარინის მოედანზე გახსნეს - ჯერ სულ ერთი წელი შეუსრულდათ, თუმცა უკვე ოთხ ფილიალამდე გაიზარდნენ. რესტორნების ქსელ „დე გუსტოს“ კონცეფცია თბილისში არსებული ყველა სხვა კვების ობიექტისგან განსხვავებულია. აქ შეგიძლიათ მიირთვათ უკვე მზა კერძები ძალიან სასიამოვნო გარემოში. შპს. „გურმანო“, „დე გუსტოს“ საფირმო სახელითაა ცნობილი და გემრიელი კერძების მოყვარულებში დიდი პოპულარობით სარგებლობს. ეს არის სწრაფი კვების ობიექტი, სადაც მუდმივად მზა, ცხელი და ახალი კერძები გხვდებათ. შეგიძლიათ ხელმისაწვდომ ფასად შეიძინოთ და შინ წაიღოთ, ან - კომფორტულ გარემოში მოკალათდეთ და ადგილზე მიირთვათ. „ჩვენი ქსელის მთავარი ნიშა ხელმისაწვდომი ფასია, რომელიც ორიენტირებულია საშუალო სეგმენტზე. მეორე ძირითადი მახასიათებელი - სისწრაფეა, ვინაიდან აქ მზად არის ყველაფერი და არ გიწევთ ლოდინი. მესამე და მთავარი - კარგი გარემოა. აქ შექმნილია ყოველდღიური ფორმატის რესტორნის ინტერიერი. „დე გუსტო“ ბაზარზე არსებული ყველა სხვა კვების ობიექტისგან ძალიან განსხვავებულია. ზოგი მხოლოდ ცომზეა ორიენტირებული, ზოგ ადგილას, კი, სადაც კერძებსაც ამზადებენ, ასეთი მყუდრო და თანამედროვე გარემო არ არის შექმნილი,“- ამბობს რესტორნის ერთ-ერთი დამფუძნებელი. „დე გუსტოს“ ქსელს 2016 წელს სამი ახალი ობიექტი დაემატა - პეკინზე, ფალიაშვილსა და აღმაშენებელზე. თუმცა კომპანია მხოლოდ ამ მიმართულებით არ გაზრდილა. „დე გუსტომ“ კორპორაციული კლიენტებიც შეიძინა და ისეთ დიდ სუპერმარკეტებს ამარაგებს პროდუქციით, როგორებიცაა „კარფური“, „ორი ნაბიჯი“ და სხვა. „თებერვალში დავიწყეთ აქტიური მუშაობა კორპორაციული შეთავაზებების თემაზე და გადავწყვიტეთ, დაფინანსებისთვის ტერაბანკისთვის მიგვემართა. კორპორაციული კლიენტების დამატების ფარგლებში იყო ერთთვიანი კონსიგნაციის პირობა და ეს პირობა დავაფინანსეთ საკრედიტო ხაზით. ვფიქრობთ, რომ დებიტორის დაფინანსება კრედიტორით სწორი ნაბიჯი იყო და მომავალშიც, საჭიროების შემთხვევაში, სიამოვნებით მივმართავთ ტერაბანკს“. ერთი წლის განმავლობაში კომპანიამ უკვე შეძლო მომხმარებელში ხარისხიანისა და სტაბილურად მზარდის სტატუსი მოეპოვებინა და შეენარჩუნებინა. 2017 წელს კი პარტნიორებს კვლავ დიდი გეგმები აქვთ - „დე გუსტოს“ ქსელი დამატებით ოთხი ობიექტის გახსნასა და კორპორაციული გაყიდვების 50 %-ით გაზრდას გეგმავს.
(R)
კალაძე საცობებზე - გზების გაფართოებისა და ესტაკადების მშენებლობის ეფექტი დროებითია
კალაძე საცობებზე - უნდა გვესმოდეს ერთი მარტივი რამ, ქალაქის ქუჩების სივრცე უსასრულო არ არის
დეკანოიძე - საკონსტიტუციო სასამართლოს მოსამართლეები განსაკუთრებული აგრესიით, ფაქტების უგულებელყოფითა და აშკარა მიკერძოებით განიხილავენ მართლმსაჯულების რეფორმის ერთ-ერთ მნიშვნელოვან კომპონენტს
მამა ლევანი ჯიქური კორუფციაზე: ამდენი წურბელა რომ გეყოლება ქვეყანაში, რამდენს აიტანს
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



