აჭარის მთავრობის თავმჯდომარემ ზურაბ პატარაძემ მეუღლესთან სოფიო ბაკურიძესთან ერთად ბათუმის სინაგოგაში შეკრებილ ებრაელ მოქალაქეებს ხანუქის  დღესასწაული მიულოცა და პირველი სანთელი აანთო.

აჭარის მთავრობის პრესსამსახურის ინფორმაციით, რეგიონის ხელმძღვანელმა შეკრებილებს სიტყვით მიმართა.

მათივე ცნობით,   მან  ქართველ და ებრაელ ხალხს შორის არსებულ მრავალსაუკუნოვან მეგობრობაზე ისაუბრა.

,,დღეს ჩვენი მრავალსაუკუნოვანი მეგობარი ხალხი სიბნელეზე სინათლის გამარჯვების დღესასწაულს აღნიშნავს. როგორც ბევრ ქართველს, მეც  განსაკუთრებული მეგობრობა მაკავშირებს ამ ქვეყანასთან და ვფიქრობ, ეს არის ნამდვილი მაგალითი ძმობისა და ურთიერთგაგების. მიხარია, რომ ჩვენს რეგიონშიც საზეიმოდ აღინიშნება ხანუქის დღესასწაული. გულითა და სულით ვულოცავ ებრაელ ხალხს ამ უდიდეს დღესასწაულს და ვუსურვებ მშვიდობიან, ბედნიერ და წარმატებულ მომავალს“,-განაცხადა პატარაძემ.

ხანუქას დღესასწაული გუშინ დაიწყო და რვა დღეს გაგრძელდება. ხანუქას სანთლებს ჩვენს წელთაღრიცხვამდე 164 წელს, მაქაბელთა მიერ, ბერძნულ-სირიული ლაშქრის ტაძრიდან განდევნისა და მისი განახლების აღსანიშნავად ანთებენ. გადმოცემის თანახმად, ბრძოლის დასრულების შემდეგ ებრაელები ტაძარში მივიდნენ, ნახეს იქ მხოლოდ ერთი დღის სამყოფი ზეთი, რომლითაც მენორა, შვიდკანდელა უნდა დაენთოთ. ებრაელთა რწმენით, მოხდა სასწაული და მენორას ერთი დღის სამყოფი ზეთი, 8 დღის განმავლობაში ეყო. ამ მოვლენის აღსანიშნავად, რვასანთლიან შანდალზე, ხანუქიაზე, ებრაელები თითო დღეს, თითო სანთელს ანთებენ. სასანთლეს 9 შტო აქვს, თუმცა მეცხრე სასანთლე დანარჩენი რვის "მსახურია".

ღონისძიებას ქალაქ ბათუმის მერი და მთავრობის სხვა წევრებიც ესწრებოდნენ.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა