პარლამენტის ყოფილი თავმჯომარე დავით უსუფაშვილი სახელმწიფო საკონსტიტუციო კომისიის მუშაობაში არ ჩაერთვება. ამის შესახებ ჟურნალისტებს, პარლამენტის სპიკერმა, საკონსტიტუციო კომისიის თავმჯდომარემ ირაკლი კობახიძემ განუცხადა.

მისივე თქმით, დავით უსუფაშვილთან კონსულტაციებს პირადად მართავდა. კობახიძის აზრით, უსუფაშვილის მონაწილეობა საკონსტიტუციო კომისიის მუშაობაში ძალიან ღირებული იქნებოდა:

„მქონდა პირადად დავით უსუფაშვილთან კონსულტაცია, მისი ჩართულობა კომისიის მუშაობაში ძალიან ღირებული იქნებოდა, თუმცა მან განმარტა, რომ პოლიტიკური კვოტით ვერ მიიღებდა კომისიის მუშაობაში მონაწილეობას, რადგან კრიტერიუმები იყო დაკონკრეტებული და გამომდინარე იქიდან, რომ მას აქვს პოლიტიკური წარსული და აწმყო, ის ვერც ექსპერტის რანგში  მიიღებდა კომისიის მუშაობაში მონაწილეობას.ეს გახდა მიზეზი იმისა, რომ ბატონი დავით უსუფაშვილი ვერ ჩაერთვება კომისიის მუშაობაში. ძალიან ღირებული იქნებოდა მისი მონაწილეობა კომისიის მუშაობაში“,-განაცხადა ირაკლი კობახიძემ.

შეგახსენებთ, საქართველოს კონსტიტუციის გადასინჯვის შესახებ კანონპროექტის მომზადების მიზნით, სახელმწიფო საკონსტიტუციო კომისია, 2013 წლის 27 დეკემბერს შეიქმნა  და მას დავით უსუფაშვილი თავმჯდომარეობდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Global Finance: საქართველოს ბანკი რეგიონში საუკეთესო სამომხმარებლო ციფრული ბანკია ონლაინ პროდუქტების შეთავაზების და დაკრედიტების მიმართულებით

შენი ავტოსაჭიროებები ერთ სივრცეში - მობაილბანკში ავტო კომფორტი განახლდა

რა იცვლება დაგროვებითი პენსიის შესახებ კანონში

81 ათასი ოჯახი ქონების გადასახადს აღარ გადაიხდის - შემოსავლების სამსახურის უფროსი