რუსეთის პრეზიდენტი, ვლადიმერ პუტინი უკრაინისთვის ევროკავშირის მხრიდან სავიზო რეჟიმის გაუქმებას სწორი მიმართულებით გადადგმულ ნაბიჯად აფასებს, - ამის შესახებ ვლადიმერ პუტინმა ყოველწლიურ პრესკონფერენციაზე განაცხადა.

ამასთან, პუტინი არასწორად მიიჩნევს, რომ სავიზო რეჟიმის გაუქმების შემდეგ უკრაინის მოქალაქეებს ევროპაში მუშაობის უფლება არ ექნებათ.

"რაც შეეხება უკრაინისთვის ევროპის მხრიდან სავიზო რეჟიმის გაუქმებას, მე სრულად ვუჭერ ამას მხარს. უფრო მეტიც, მიმაჩნია, რომ სავიზო რეჟიმი ევროპაში ეს არის ცივი ომი ანაქრონიზმი და ის რაც შეიძლება მალე უნდა მოვიშოროთ. თუ უკრაინის მოქალაქეები მიიღებენ ევროპაში უვიზოდ ჩასვლის უფლებას, ეს იქნება სწორი მიმართულებით გადადგმული სწორი ნაბიჯი. თუმცა როგორც ვიცი, გათვალისწინებულია სავიზო რეჟიმის გაუქმება მუშაობის უფლების გარეშე. გაიზრდება თუ არა სამუშაო ძალის ნაკადი უკრაინიდან ევროპაში? რა თქმა უნდა, გაიზრდება. თუ არ მისცემენ მუშაობის უფლებას, უკრაინიდან ჩასული ხალხი დამცირებულ მდგომარეობაში აღმოჩნდება. ისინი იძულებულები იქნებიან, არალეგალურად იმუშაონ. ამგვარად ისინი არ იქნებიან სოციალურად დაცულები და საერთოდ არ იქნებიან დაცულები. თუკი აძლევ უვიზო მიმოსვლის უფლებას, უნდა მისცე მუშაობის უფლებაც", - განაცხადა ვლადიმერ პუტინმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ახალი შეთავაზება თიბისის ინვესტიციების პლატფორმაზე - დაიბრუნე ვაჭრობის საკომისიო და დასაჩუქრდი $500-მდე

რუსეთის საგადასახადო სამსახურმა თამარა გვერდწითელის კომპანიის ანგარიშები დაბლოკა

თურქეთმა რუსული ქვანახშირის შესყიდვები შეაჩერა შავ ზღვაში უკრაინის მიერ გემებზე თავდასხმის შემდეგ

ტრამპი 2024 წლის არჩევნებში გამარჯვების შემდეგ 2.7 მილიარდი დოლარით გამდიდრდა