„დემოკრატიის გარეშე ჩვენი ქვეყანა მნიშვნელოვან მიზნებს, როგორიცაა ეკონომიკური ზრდა, მშვიდობა და ქვეყნის განვითარება, ვერ მიაღწევს“, – ამის შესახებ საქართველოს პარლამენტის თავჯდომარემ დავით უსუფაშვილმა საერთაშორისო კონფერენცია „დემოკრატიის არსი: საგარეო ეკონომიკური და უსაფრთხოების პოლიტიკის არჩევანი რეგიონში“ სიტყვით გამოსვლისას განაცხადა. 

მისივე თქმით, საქართველო რეგიონში ყველაზე მდგრადი და დემოკრატიული ქვეყანა გახდება.

„ეს არი შესანიშნავი შესაძლებლობა,  გავზომოთ დემოკრატიის სულისკვეთება, როგორია არა მარტო საქართველოში, არამედ მთელ მსოფლიოში. ეს კონფერენცია კარგი დემოსტრაციაა, თუ როგორ გვესმის ერთმანეთის. ხალხი, რომელიც აქ ბრძანდება სხვადასხვა ქვეყნებს წარმოადგენენ, მაგრამ ჩვენ ეს სულისკვეთება გვაერთიანებს. ვხედავთ, თუ როგორი მოწადინებული ხართ, რომ დახმარება გაგვიწიოთ და წვლილი შეიტანოთ ამ საერთო განვითარებაში. ჩვენ ძალიან ოპტიმისტები ვართ, რომ დიახ, დემოკრატია დამყარდება ამ რეგიონში, ამ ქვეყანაში, დიახ დემოკრატია გახდება მდგრადი ჩვენს საზოგადოებაში.  სწორედ ამ დემოკრატიის სულისკვეთება გარდაიქმნება ძლიერ დემოკრატიულ ინსტიტუტად“,– აღნიშნა უსუფაშვილმა. 

ცნობისთვის, ორდღიანი კონფერენცია სტენფორდის უნივერსიტეტის დემოკრატიის, განვითარებისა და კანონის უზენაესობის ცენტრისა (CDDRL) და საქართველოს ეკონომიკური პოლიტიკის კვლევითი ცენტრის მჭიდრო თანამშრომლობით თბილისში უკვე მეორე წელია იმართება. კონფერენციის მიზანია ერთი მხრივ დემოკრატიული რეფორმების სფეროში საქართველოს გამოცდილების მსოფლიოსთან გაზიარება და მეორე მხრივ მსოფლიოს გამოცდილების საუკეთესო მაგალითების შესწავლა და დანერგვა ქვეყანაში. ღონისძიების პირველ პანელში სახელმწიფოს მეთაურთან ერთად საქართველოს პარლამენტის თავმჯდომარე დავით უსუფაშვილი, უმაღლესი რანგის საერთაშორისო ექსპერტები და ადგილობრივი პოლიტიკური პარტიების ლიდერები მიიღებენ მონაწილეობას. ქვეყნის პირველი პირი დამსწრე საზოგადოების შეკითხვებსაც უპასუხებს. საქართველოს პრეზიდენტის სასახლეში კონფერენციის მონაწილეებისათვის ოფიციალური მიღებაც გაიმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსი ჯარისკაცების მიერ უკრაინული სოფლების აღების ათობით ვიდეო ხელოვნური ინტელექტის მიერ შექმნილი აღმოჩნდა

პარლამენტმა დავით მამისეიშვილი უზენაესი სასამართლოს უვადო მოსამართლედ აირჩია.

გახარია: ივანიშვილის რეჟიმმა პარლამენტში ერთ ოპოზიციურ პარტიასაც კი ვერ აიტანა

ბიძინა ივანიშვილის შეურაცხყოფისთვის მალხაზ მაჩალიკაშვილი 1000 ლარით დააჯარიმეს