პრეზიდენტი ეროვნულ გვარდიას 26 წლის იუბილეს ულოცავს

2016-12-20 15:18:14, 825 ნახვა

სამხედრო

საქართველოს პრეზიდენტი გიორგი მარგველაშვილი ეროვნულ გვარდიას 26 წლის იუბილეს ულოცავს.

ამის შესახებ პრეზიდენტის პრესსპიკერმა ეკა მიშველაძემ დღეს გამართულ პრესკონფერენციაზე განაცხადა.

„დღეს ეროვნული გვარდიის შექმნიდან 26 წელი გავიდა. საქართველოს ეროვნულმა გვარდიამ და მისმა ღირსეულმა წარმომადგენლებმა, დაარსებიდან დღემდე, მონაწილეობა მიიღეს საქართველოს ტერიტორიული მთლიანობისთვის გამართულ თითქმის ყველა ბრძოლაში - ქვეყნის სიძლიერისა და სუვერენიტეტის დასაცავად. ეროვნულმა გვარდიამ, დამოუკიდებელი საქართველოს შეიარაღებული ძალების ჩამოყალიბებას ღირსეული საფუძველი ჩაუყარა. ქვეყნის უმაღლესი მთავარსარდალი ულოცავს ეროვნული გვარდიის უფროსს ლევან გამყრელიძეს, გვარდიის სრულ შემადგენლობას დღევანდელ დღეს და პატივს მიაგებს ქვეყნის სამსახურში დაღუპული თანამებრძოლების ხსოვნას“, - განაცხადა ეკა მიშველაძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან