ენერგეტიკის მინისტრი კახი კალაძე 31 მარტს პარლამენტის სხდომაზე, სადაც პრეზიდენტი გიორგი მარგველაშვილი ყოველწლიური მოხსენებით უნდა წარსდგეს, მთავრობის წევრების დასწრების აუცილებლობას ვერ ხედავს. 

როგორც კალაძემ ჟურნალისტებს განუცხადა, მთავრობაში პარლამენტში სხდომაზე დასწრებასთან დაკავშირებით  გადაწყვეტილება ჯერ არ მიუღიათ. 

„პარლამენტში სხდომაზე მთავრობის დასწრების აუცილებლობა არ არის. თუმცა, თუ მთავრობა დაესწრება ამაში მე პრობლემას ვერ ვხედავ. გუნდში ვიმსჯელებთ და დასწრებასთან დაკავშირებით გადაწყვეტილებას მივიღებთ“, – აღნიშნა კალაძემ. 

ცნობისთვის, პარლამენტში გიორგი მარგველაშვილი 31 მარტს წარსდგება. სხდომა 13:00 საათზეა ჩანიშნული. 

შეგახსენებთ, რომ პრეზიდენტის ადმინისტრაციამ გუშინ, პარლამენტს ოფიციალური წერილით მიმართა.  პრეზიდეტის ადმინისტრაციის ძირითადი მოთხოვნაა, 31 მარტს საკანონმდებლო ორგანოში გამართულ სხდომაზე მთავრობის, სასამართლო ხელისუფლების, ასევე დიპლომატიური კორპუსისა და იმ ინსტიტუტების წარმომადგენლები უნდა იყვნენ წარმოდგენილები, რომლებიც ტრადიციულად, პრეზიდენტის ყოველწლიურ მოხსენებას ესწრებოდნენ. 

აღნიშნულ სხდომას უზენაესი სასამართლოს თავჯდომარე ნინო გვენეტაძე დაესწრება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფიცო: რუსეთთან ომში სამშვიდობო შეთანხმების მიღწევა უკრაინული მხარის თანხმობის გარეშე შეუძლებელია

კობახიძე: მზად ვართ ყველა საკითხი განვიხილოთ, თუ რაიმე ჭარბი რეგულაციაა, ჭარბი ჯარიმა

სანქტ-პეტერბურგში მობილური ინტერნეტი გაითიშა

POG: ქუთაისში განზრახ მკვლელობისა და დანაშაულის შეუტყობინებლობისთვის ბრალი 2 პირს წარედგინა