ეკონომიკისა და მდგრადი განვითარების მინისტრი გიორგი კვირიკაშვილი "ნაციონალური მოძრაობის" მიერ დღეს გავრცელებულ განცხადებას წმინდა წყლის პოლიტიკურ სპეკულაციას უწოდებს.

პარტიის განცხადებაში პროგრამის „აწარმოე საქართველოში“ ფარგლებში სს „საქართველოს სათბურის კორპორაციისთვის“ სახელმწიფოსგან ქონების გადაცემის თაობაზე იყო აღნიშნული.

"მე ძალიან მაკვირვებს ის ორმაგი სტანდარტები, რომლის მომსწრეც ყველანი გავხდით. ჯერ ერთი, პირდაპირი მიყიდვების პრაქტიკა და სიმბოლურ ფასად ქონების გადაცემა დაიწყო წინა ხელისუფლების დროს. მე შემიძლია წარმოგიდგინოთ იმ კომპანიების დიდი სია, რომლებსაც გადაეცათ ქონებები პირდაპირი მიყიდვის წესით, მაგრამ უფრო მნიშვნელოვანია, რომ ჩვენ მომსწრე ვართ რამდენიმე თვის განმავლობაში კამპანიისა და სპეკულაციისა, თუ რატომ არ დებს ბიძინა ივანიშვილი ინვესტიციებს, რატომ არ ახორციელებს უცხოური ვალუტით ინვესტიციებს იმისთვის, რომ გამყარდეს ეროვნული ვალუტა და ა.შ. მინდა გითხრათ, რომ როდესაც ჩვენს მიერ გადაცემულ ამ მიწაზე 45 მილიონ დოლარამდე ინვესტიციის განხორციელებაა დაგეგმილი, ასზე მეტი ადამიანი უკვე დასაქმებულია და ათ მილიონ ლარზე მეტი ინვესტიციაა უკვე განხორციელებული. საჯაროდ ვაცხადებ: თუ ვინმე არა ამ პირობებით, არამედ ამის ნახევარი პირობებით განახორციელებს სოფლის მეურნეობაში, სასათბურე მეურნეობაში ინვესტიციას, მთავრობა მზად არის, არა მხოლოდ სიმბოლურ ფასად გადასცეს ქონება, არამედ განახორციელოს ინფრასტრუქტურული მხარდაჭერა (რომელიც სხვათაშორის, ამ შემთხვევაში  ჩვენ არ გაგვიკეთებია)  მიუყვანოს გაზი, წყალი, ელექტროენერგია, ასევე გზა. ეს არის მთავრობის პოლიტიკა და ამ პოლიტიკას ჩვენ ვახორციელებთ ნებისმიერი ინვესტორის მიმართულებით. რაც შეეხება კომპანიას, რომელიც ნახსენები იყო, აქაც იყო არასწორი ინფორმაცია- ეს არის თანაინვესტირების ფონდის შვილობილი ორგანიზაცია და ამ პროექტში მფლობელები არიან როგორც ქართული, ასევე ფრანგული კომპანიები. ამიტომ ეს იყო ფაქტების სრული დამახინჯება  და წმიდა წყლის პოლიტიკური სპეკულაცია“, - განაცხადა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსი ჯარისკაცების მიერ უკრაინული სოფლების აღების ათობით ვიდეო ხელოვნური ინტელექტის მიერ შექმნილი აღმოჩნდა

პარლამენტმა დავით მამისეიშვილი უზენაესი სასამართლოს უვადო მოსამართლედ აირჩია.

გახარია: ივანიშვილის რეჟიმმა პარლამენტში ერთ ოპოზიციურ პარტიასაც კი ვერ აიტანა

ბიძინა ივანიშვილის შეურაცხყოფისთვის მალხაზ მაჩალიკაშვილი 1000 ლარით დააჯარიმეს