2015-03-24 16:42:57, 660 ნახვა
საზოგადოება
ცხმორისის თემში უფასო სამედიცინო აქცია ჩატარდება
ქედის მუნიციპალიტეტის ცხმორისის თემში, 27 მარტს, 11:00 საათზე, „ქ. ბათუმის N1 პოლიკლინიკა“ უფასო სამედიცინო აქციას ჩაატარებს.
ენდოკრინოლოგის, უროლოგის, ლარინგოლოგის, ოფთალმოლოგის, ალერგოლოგის, ნევროპათოლოგის, კარდიოლოგის და ექოსკოპისტის კონსულტაციის მიღება ადგილობრივ მოსახლეობას მთელი დღის განმავლობაში შეეძლება. ასევე ჩატარდება რამდენიმე სახის სამედიცინო კვლევა.
აქცია აჭარის ავტონომიური რესპუბლიკის ჯანმრთელობისა და სოციალური დაცვის სამინისტროს და ქედის მუნიციპალიტეტის მხარდაჭერით გაიმართება.
მორიგ უფასო სამედიცინო აქციას 4 აპრილს, „საოჯახო მედიცინის რეგიონული ცენტრის“ მედიკოსები ხულოს მუნიციპალიტეტის სხალთის თემში ჩაატრებენ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
