აშშ-ის მოქმედმა პრეზიდენტმა ბარაკ ობამამ იმედი გამოთქვა, რომ ახალადარჩეული პრეზიდენტი დონალდ ტრამპი, საჭიროების შემთხვევაში, რუსეთისთვის წინააღმდეგობის გაწევას შეძლებს, - ამის შესახებ ბარაკ ობამამ ბერლინში გერმანიის კანცლერთან ანგელა მერკელთან გამართულ პრესკონფერენციაზე განაცხადა.

როგორც ობამამ აღნიშნა, დონალდ ტრამპმა ასევე ის სფეროები უნდა მონახოს, სადაც რუსეთთან თანამშრომლობას შეძლებს.

“ვიმედოვნებ, რომ არჩეულ პრეზიდენტს ექნება მსგავსი კონსტრუქციული მიდგომა და იპოვის სფეროებს, რომლებშიც ჩვენ შეგვიძლია რუსეთთან თანამშრომლობა. თუმცა მან ასევე წინააღმდეგობა უნდა გაუწიოს რუსეთს, როდესაც ის საერთაშორისო ნორმებს არღვევს”, - განაცხადა ობამამ.

ბარაკ ობამას თქმით, მან ანგელა მერკელთან მინსკის შეთანხმებების შესრულებამდე რუსეთის წინააღმდეგ სანქციების შენარჩუნების მნიშვნელობაზე ისაუბრა.

ამასთანავე, მერკელმა განაცხადა, რომ რუსეთისა და გერმანიის ურთიერთობებში აზრთა სხვადასხვაობაა, თუმცა, კანცლერის თქმით, ბერლინი დანტერესებულია მოსკოვთან კარგი ურთიერთობებით.

რაც შეეხება სირიის კრიზისს, ობამას ნაკლებად სავარუდოდ მიაჩნია, რომ რუსეთი ამ ქვეყანაში პოლიტიკას შეიცვლის. აშშ-ის პრეზიდენტმა მოსკოვი და დამასკო სირიაში სამოქალაქო ობიექტების დაბომბვაში კვლავ დაადანაშაულა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გერმანიაში, სამხედრო აეროდრომის მახლობლად, უცნობი დრონის ნამსხვრევები იპოვეს

ნატო: რუსეთმა მოკავშირეების დაშინება დანიური ვერტმფრენის მიმართულებით ცეცხლსასროლი იარაღის სროლით სცადა

ტრამპ უმცროსის მეუღლემ დაადასტურა, რომ პუტინის დაცვის უფროსის მეგობარმა აშშ-ის პრეზიდენტის შვილის ქორწილი დააფინანსა

ოცნების 14-მა ე.წ დეპუტატმა ტელეფონის სქროლისას ვერ შეამჩნიეს, როგორ დაუჭირეს მხარი გახარიას პარტიის ინიციატივას